വാഷിങ്ടണ്‍: ഉസാമ ബിന്‍ലാദന്റെ മകന്‍ ഹംസ ബിന്‍ലാദന്‍ കൊല്ലപ്പെട്ടതായി സ്ഥിരീകരിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. അഫ്ഗാന്‍-പാകിസ്താന്‍ അതിര്‍ത്തിയില്‍വച്ച് ഹംസ കൊല്ലപ്പെട്ടതായാണ് സ്ഥിരീകരണം. കഴിഞ്ഞ മാസം ആദ്യത്തില്‍ ഇക്കാര്യം അവകാശപ്പെട്ട് അമേരിക്കന്‍ മാധ്യമങ്ങള്‍ രംഗത്തെത്തിയിരുന്നെങ്കിലും എവിടെവച്ച് എങ്ങനെ കൊല്ലപ്പെട്ടെന്ന കാര്യത്തില്‍ സ്ഥിരീകരണമില്ലായിരുന്നു.