തൊടുപുഴ:  കേരളാ ശാസ്ത്ര സാഹിത്യ പരിഷത്ത് സംഘടിപ്പിക്കുന്ന ഇടുക്കി ഗ്രീന്‍ അസംബ്ലി 16ന് തൊടുപുഴയില്‍ നടത്തും. 'കേരളത്തിന്റെ പരിസ്ഥിതി തകര്‍ക്കരുത് ജീവിക്കാനായ് ഒരുമിക്കു' എന്ന സന്ദേശം പൊതു സമൂഹം ചര്‍ച്ചചെയ്യുന്നതിനാണ് പരിപാടി സംഘടിപ്പിക്കുന്നത്.
മണ്ണും വെള്ളവും പാറകളും വനവിഭവങ്ങളുള്‍പ്പെടെ പ്രകൃതി വിഭവങ്ങള്‍ ഓരോന്നും മൂലധന ശക്തികള്‍ക്കായി വിട്ടുകൊടുക്കുന്ന വികസന സമീപനം കേരളത്തെ ഇന്നത്തെനിലയില്‍ അധികകാലം പോകാനുവദിക്കില്ലെന്ന് പരിഷത്ത് വിശ്വസിക്കുന്നു.
ഈ പാരിസ്ഥിക പ്രതിസന്ധി കേരളത്തിന്റെ രാഷ്ട്രീയ ചര്‍ച്ചകളില്‍ കേന്ദ്ര ബിന്ദു  ആകേണ്ടതുണ്ട്. ഇടുക്കി  ഗ്രീന്‍ അസംബ്ലി ശാസ്ത്ര സാഹിതല്‍ പരിഷത്ത് സംസ്ഥാന പ്രസിഡന്റ് ഡോ. കെ പി അരവിന്ദന്‍ ഉദ്ഘാടനം ചെയ്യും.
 'പരിസ്ഥിതി ആഘാതം എന്ത്,എങ്ങിനെ' എന്ന വിഷയത്തില്‍ സംസ്ഥാന പരിസ്ഥിതി കണ്‍വീനര്‍ കെ പി ശ്രീശങ്കറും വനിയമങ്ങളെക്കുറിച്ച് അഡ്വ. രവി പ്രകാശും സംസാരിക്കും.