മലപ്പുറം: കൊണ്ടോട്ടി മിനി ഊട്ടിയില്‍ ആരംഭിച്ച വൈദ്യര്‍ കലാഗ്രാമത്തില്‍ മ്യൂസിക്  അക്കാദമിയും ഗവേഷണ കേന്ദ്രവും ഉദ്ഘാടനം ചെയ്തു. മുഹമ്മദ് റാഫിയുടെ  38-ാം ചരമ വാര്‍ഷിക ദിനമായ 31ന് കൊണ്ടോട്ടി റോട്ടറി ക്ലബിന്റെ  ആഭിമുഖ്യത്തിലാണ് ഉദ്ഘാടനം നടന്നത്. റോട്ടറി ക്ലബ് ഡിസ്ട്രിക് ഗവര്‍ണറായ എം.ഡി ശ്രീധരന്‍ നമ്പ്യാര്‍ ഉദ്ഘാടനം ചെയ്തു. പഴശ്ശിരാജ കുടുംബത്തിലെ കാര്‍ത്തിക തിരുന്നാള്‍ രാജവര്‍മ്മ, ഡോ. ജോയ് ഫിലിപ്പ്,  ഡോ. ജയ്കിഷ് ജയരാജ്, ബിജു കുമാര്‍ പങ്കെടുത്തു. പ്രായഭേദമന്യേ  കുട്ടികള്‍ക്കും മുതിര്‍ന്നവര്‍ക്കും ശാസ്ത്രീയമായി സംഗീതം പഠിക്കാനും  വിദഗ്ധരുടെ മാര്‍ഗനിര്‍ദേശത്തില്‍ സംഗീതവും ചിത്രകലയും  പരിശീലിക്കാനുമായുള്ള ആധുനിക സൗകര്യത്തോടൊപ്പം വിവിധ  രാജ്യങ്ങളിലുള്ള സംഗീതജ്ഞരും കലാകാരന്മാരുമായി ആശയവിനിമയം  നടത്താനുള്ള വെര്‍ച്ച്വല്‍ മ്യൂസിക് ലബോറട്ടറിയും മ്യൂസിക് അക്കാദമിയില്‍  ആരംഭിച്ചിട്ടുണ്ട്.