മലപ്പുറം: കേവല ആരാധനാ കര്‍മമെന്നതിനപ്പുറം ഹജ്ജ് പ്രത്യയശാസ്ത്ര പ്രതിബദ്ധതയുടെ അടയാളം കൂടിയാണെന്നു പോപ്പുലര്‍ ഫ്രണ്ട് സംസ്ഥാന പ്രസിഡന്റ് സി.അബ്ദുല്‍ ഹമീദ്. ഇന്ത്യ ഫ്രറ്റേണിറ്റി ഫോറം കേരള ചാപ്റ്റര്‍ സംസ്ഥാനത്തെ മൂന്നിടങ്ങളിലായി നടത്തുന്ന ഹജ്ജ് ക്യാംപിന്റെ ആദ്യ പരിപാടി മലപ്പുറത്ത് ഉദ്ഘാടനം ചെയ്യുകയായിരുന്നു അദ്ദേഹം.
ഫ്രറ്റേണിറ്റിഫോറം റീജിയണല്‍ കമ്മിറ്റി  സെക്രട്ടറി മുഹമ്മദലി അധ്യക്ഷനായി. ഹജ്ജ് സുരക്ഷാ ഗൈഡ് പോപ്പുലര്‍ ഫ്രണ്ട് ഈസ്റ്റ് ജില്ലാ പ്രസിഡന്റ് പി അബ്ദുല്‍ അസീസ് പ്രകാശനം ചെയ്തു. അബ്ദുല്‍ നാസര്‍ ബാഖവി, മുഹമ്മദ് ഇഖ്ബാല്‍ മമ്പുറം അബ്ദു റഹിമാന്‍ ദാരിമി ക്ലാസെടത്തു. നാസറുദ്ദീന്‍ എളമരം, അബ്ദുല്‍ ഗനി, അബ്ദുല്‍ സലാം അമ്മിനിക്കാട് സംസാരിച്ചു.