കൊച്ചി : ആഗോള എണ്ണവിലയില്‍ അസംസ്‌കൃത എണ്ണവിലയുടെ കുതിപ്പ് ഇന്ത്യയേയും ബാധിക്കും. പെട്രോളിനും ഡീസലിനും ലിറ്ററിന് ആറുരൂപ കൂടിയേക്കുമെന്നാണ് നിഗമനം. ക്രൂഡോയിലിന് നിലവിലെ വില തുടരുകയാണെങ്കില്‍ പെട്രോളിനും ഡീസലിനും വിലകൂടുമെന്ന് ഹിന്ദുസ്ഥാന്‍ പെട്രോളിയം അറിയിച്ചു. ക്രൂഡ് ഓയില്‍ വില 10ശതമാനത്തിലധികം ഉയര്‍ന്നുനിന്നാല്‍ പമ്പുകളിലെ ചില്ലറകൂട്ടേണ്ടി വരുമെന്ന് ഹിന്ദുസ്ഥാന്‍ പെട്രോളിയം ചെയര്‍മാന്‍ എം.കെ സുരാന അറിയിച്ചു.

സഊദി അറേബ്യയുടെ ദേശീയ എണ്ണക്കമ്പനിയായ അരാംകോയുടെ രണ്ട് സംസ്‌കരണശാലകള്‍ക്കുനേരെ ഭീകരാക്രമണമുണ്ടായ സാഹചര്യത്തിലാണ് എണ്ണവില കുതിച്ചത്.