മാഡ്രിഡ്: സ്പാനിഷ് കിങ്‌സ് കപ്പ് (കോപ ഡെല്‍ റേ) ഫുട്‌ബോള്‍ ടൂര്‍ണമെന്റില്‍ റയല്‍ മാഡ്രിഡിന് ജയം. പുതിയ പരിശീലകന്‍ സാന്റിയാകോ സൊളാരിക്ക് കീഴില്‍ മികച്ച ജയമാണ് റയല്‍ സ്വന്തമാക്കിയത്. എതിരില്ലാത്ത നാലുഗോളുകള്‍ക്കാണ് മെലില്ലയെ പരാജയപ്പെടുത്തിയത്. 28-ാം മിനുട്ടില്‍ കരീം ബെന്‍സേമയാണ് ഗോള്‍ വേട്ടക്ക് തുടക്കമിട്ടത്.
തുടര്‍ന്ന് മാര്‍ക്കോ അസെന്‍സിയോ (46), അല്‍വാരോ ഒഡ്രിസോള (79), ക്രിസ്റ്റോ പെരസ് (92) എന്നിവരും റയലിന് വേണ്ടി ലക്ഷ്യം കണ്ടു. തകര്‍പ്പന്‍ വിജയത്തോടെ റയല്‍ പ്രീക്വാര്‍ട്ടര്‍ ഏതാണ്ടണ്ട് ഉറപ്പാക്കിയ സ്ഥിതിയാണ്.
റയലിന്റെ തട്ടകമായ സാന്റിയാഗോ ബെര്‍ണബുവില്‍ ഡിസംബര്‍ അഞ്ചിനാണ് ഇരു ടീമും തമ്മിലുള്ള രണ്ടണ്ടാംപാദ മത്സരം അരങ്ങേറുന്നത്.
അതേസമയം, എതിരില്ലാത്ത ഒരു ഗോളിനായിരുന്നു ബാഴ്‌സലോണയുടെ ജയം. കളി തീരാന്‍ രണ്ട് മിനുട്ട് ബാക്കി നില്‍ക്കെ ക്ലമെന്റ് ലോങ്‌ലെറ്റായിരുന്നു ബാഴ്‌സയുടെ വിജയഗോള്‍ നേടിയത്.
മറ്റൊരു മത്സരത്തില്‍ എതിരില്ലാത്ത രണ്ട് ഗോളുകള്‍ക്ക് സ്‌പോര്‍ട്ടിങ് ഗിജോണ്‍ എയ്ബറിനെ പരാജയപ്പെടുത്തി.
എ.സി മിലാന്‍ നാലാമത്
ഇറ്റാലിയന്‍ ലീഗില്‍ മുന്‍ ചാംപ്യന്‍മാരായ എ.സി മിലാന്‍ 2-1ന് ജെനോവയെ തോല്‍പ്പിച്ചു. മിലാനായി സുസോ, ക്യാപ്റ്റന്‍ അലെസ്സിയോ റോമാഗ്‌നോലി എന്നിവരാണ് സ്‌കോര്‍ ചെയ്തത്. ജെനോവയുടെ ഏക ഗോള്‍ റോമാഗ്‌നോലിയുടെ സെല്‍ഫിലൂടെയായിരുന്നു. വിജയത്തോടെ പോയിന്റ് പട്ടികയില്‍ നാലാം സ്ഥാനത്തേക്ക് കയറാനും മിലാനായി.

ലീഗ് കപ്പ്: ചെല്‍സി, ടോട്ടനം,
ആഴ്‌സനല്‍ മുന്നോട്ട്
ലണ്ടണ്ടന്‍: ഇംഗ്ലീഷ് ലീഗ് കപ്പ് ഫുട്‌ബോള്‍ ടൂര്‍ണമെന്റില്‍ ചെല്‍സി, ആഴ്‌സനല്‍, ടോട്ടനം എന്നിവര്‍ വിജയത്തോടെ ക്വാര്‍ട്ടര്‍ ഫൈനലില്‍ കടന്നു. നാലാം റൗണ്ട് മത്സരത്തില്‍ ചെല്‍സി 3-2ന് ഡെര്‍ബി കൗണ്ടണ്ടിയെയും ആഴ്‌സനല്‍ 2-1ന് ബ്ലാക്ക്പൂളിനെയും ടോട്ടനം 3-1ന് വെസ്റ്റ്ഹാം യുനൈറ്റഡിനെയും പരാജയപ്പെടുത്തിയാണ് ക്വാര്‍ട്ടര്‍ ഫൈനലിലെത്തിയത്.
മൂന്നാം റൗണ്ടണ്ടില്‍ മാഞ്ചസ്റ്റര്‍ യുനൈറ്റഡിനെ അട്ടിമറിച്ച് നാലാം റൗണ്ടണ്ടിലെത്തിയ ഡെര്‍ബി ചെല്‍സിക്കെതിരേയും മികച്ച പോരാട്ടമാണ് കാഴ്ചവച്ചത്. പന്തടക്കത്തില്‍ ആധിപത്യം പുലര്‍ത്തിയ ചെല്‍സിക്കെതിരേ ആക്രമിച്ചു കളിച്ചായിരുന്നു ഡെര്‍ബിയുടെ തിരിച്ചടി. ടൂര്‍ണമെന്റിന്റെ ക്വാര്‍ട്ടര്‍ ഫൈനലില്‍ ആഴ്‌സനലും ടോട്ടനവും ഏറ്റുമുട്ടും. വെസ്റ്റ്ഹാമിനെതിരേ ഇരട്ട ഗോള്‍ നേടിയ സണ്‍ ഹെയുങ് മിനാണ് ടോട്ടനത്തിന് മികച്ച വിജയം നേടിക്കൊടുത്തത്. ഫെര്‍ണാണ്ടേണ്ടാ ലോറെന്റയാണ് മൂന്നാം ഗോള്‍ നേടിയത്. വെസ്റ്റ്ഹാമിന്റെ ആശ്വാസ ഗോള്‍ ലുകാസ് പെരസിന്റെ വകയായിരുന്നു. ക്വാര്‍ട്ടര്‍ ഫൈനല്‍ മത്സരങ്ങള്‍ ഡിസംബറില്‍ നടക്കും.