മഞ്ചേരി: റെയ്ഞ്ച് ജംഈയ്യത്തുല്‍ മുഅല്ലിമീന്‍ കമ്മറ്റിയുടെ ആഭിമുഖ്യത്തില്‍ നടക്കുന്ന റഹ്മത്തുല്ലാഹ് ഖാസിമിയുടെ റമദാന്‍ പ്രഭാഷണത്തിനു ഇന്ന് തുടക്കമാവും. മഞ്ചേരി ജയശ്രീ ഓഡിറ്റോറിയത്തില്‍ രാവിലെ ഒന്‍പതിന് എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. പ്രാര്‍ഥനാ സദസിന് കോഴിക്കോട് വലിയ ഖാസി സയ്യിദ് നാസിര്‍ ഹയ്യ് ശിഹാബ് തങ്ങള്‍ നേതൃത്വം നല്‍കും. ഇന്നും നാളെയുമായി നടക്കുന്ന പരിപാടിയില്‍ ഏറനാട് താലൂക്ക് സമസ്ത പ്രസിഡന്റ് ഒ.ടി മൂസ മുസ്‌ലിയാര്‍, ഫസ്‌ലുറഹ്മാന്‍ ഫൈസി, കെ.സി മുഹിയുദ്ദീന്‍ ദാരിമി, അബ്ദുല്‍ ജലീല്‍ ഫൈസി സംബന്ധിക്കും.