പാലക്കാട്: അട്ടപ്പാടിയില്‍ ശബരിമല സ്ത്രീ പ്രവേശന വിഷയത്തില്‍ മാവോയിസ്റ്റ് നിലപാട് വ്യക്തമാക്കിക്കൊണ്ടുള്ള പോസ്റ്ററുകള്‍ പ്രത്യക്ഷപ്പെട്ടു. അട്ടപ്പാടി ചുരം മേഖലയിലെ ആനമൂളി ഭാഗത്താണ് പോസ്റ്ററുകള്‍ കണ്ടത്. സി.പി.ഐ (മാവോയിസ്റ്റ്) ഭവാനിദളം എന്ന പേരിലാണ് പോസ്റ്ററുകള്‍ പ്രത്യക്ഷപ്പെട്ടിരിക്കുന്നത്.

ശബരിമലയില്‍ പ്രവേശിക്കുന്ന സ്ത്രീകളെ തടയുന്ന ഹിന്ദു ഫാസിസ്റ്റ് ശക്തികളെ എതിര്‍ക്കുക, പുരുഷാധിപത്യത്തെ പോരാടി ജയിക്കുക എന്നിങ്ങനെയാണ് പോസ്റ്ററില്‍ എഴുതിയിരിക്കുന്നത്. സ്ഥലത്തെത്തിയ പൊലിസ് പ്രദേശത്ത് പരിശോധന നടത്തി.