പൊന്നാനി: ഡ്രൈവ് ചെയ്യുന്നതിനിടെ കാര്‍ ഡ്രൈവര്‍ക്ക് തലകറക്കം. നിയന്ത്രണം നഷ്ടപ്പെട്ട കാര്‍ വാഹനങ്ങളുമായി കൂട്ടിയിടിച്ചു. ചമ്രവട്ടം ജങ്ഷനിലാണ് നാല് വാഹനങ്ങള്‍ തമ്മില്‍ കൂട്ടിയിടിച്ചത്. രണ്ടുപേര്‍ക്ക് പരിക്കേറ്റു. ഇന്നലെ കാലത്ത് പത്ത് മണിയോടെയാണ് ചമ്രവട്ടം ജങ്ഷനില്‍ നാല് റോഡില്‍ നിന്നായി വന്ന വാഹനങ്ങള്‍ തമ്മില്‍ കൂട്ടിയിടിക്കുകയായിരുന്നു. അപകടത്തില്‍പ്പെട്ട കാര്‍ ഡ്രൈവര്‍ കൂടിയായ കടവനാട് സ്വദേശി തലക്കാട്ട് രാജന് തലകറങ്ങിയതാണ് അപകടത്തിനിടയാക്കിയതെന്ന് ദൃക്‌സാക്ഷികള്‍ പറയുന്നു. ഇയാളെ പിന്നീട് എടപ്പാള്‍ ആശുപത്രിയില്‍ പ്രവേശിപ്പിച്ചു.