കാടാമ്പുഴ: കാടാമ്പുഴ പൊലിസ് സ്റ്റേഷന്‍ പരിധിയില്‍ വരുന്ന പ്രദേശങ്ങളിലെ നിര്‍ധരായ കുടുംബങ്ങള്‍ക്ക് റമദാന്‍ റിലീഫിന്റെ ഭാഗമായി കാടാമ്പുഴ ജനമൈത്രി പൊലിസും അരിയും അരിപ്പൊടിയുമായി രംഗത്ത്. മുപ്പതോളം വരുന്ന കുടുംബങ്ങള്‍ക്കാണ് പത്ത് കിലോ അരി, പത്ത് കിലോ അരിപ്പൊടി എന്നിവ നല്‍കിയത്. കാടാമ്പുഴ പൊലിസ് സ്റ്റേഷനിലെ സബ് ഇന്‍സ്‌പെക്ടര്‍ മഞ്ജിത്‌ലാല്‍ നേരിട്ട് ഓരോ വീട്ടിലും കയറിയിറങ്ങിയാണ് അരിയും അരിപ്പൊടിയും വിതരണം ചെയ്തത്. കഴിഞ്ഞ വേനല്‍ കാലത്ത് സ്റ്റേഷന്‍ പരിധിയില്‍ വരുന്ന കുടിവെള്ള ക്ഷാമം രൂക്ഷമായി അനുഭവപെട്ടിരുന്ന സ്ഥലങ്ങളില്‍ സൗജന്യമായി കുടിവെള്ളം വിതരണം ചെയ്ത് എസ്.ഐ മഞ്ജിത് ലാലിന്റെ നേതൃത്വത്തിലുള്ള ജനമൈത്രി പൊലിസ് മാതൃക കാട്ടിയിരുന്നു.