മുക്കം: ജില്ല പഞ്ചായത്തിനു കീഴില്‍ തിരുവമ്പാടി ഡിവിഷനില്‍ 3.30 കോടിയുടെ പ്രവൃത്തികള്‍ക്ക് അനുമതി ലഭിച്ചതായി ജില്ല പഞ്ചായത്ത് മെംബര്‍ സി.കെ കാസിം അറിയിച്ചു.
മുരിങ്ങംപുറായി മുണ്ടയില്‍ റോഡിന്റെ രണ്ടാം ഘട്ടത്തിന് 40 ലക്ഷം, തോട്ടുമുക്കം പത്തനാപുരം റോഡിന്റെ രണ്ടാം ഘട്ടത്തിന് 10 ലക്ഷം, കുമാരനെല്ലൂര്‍ കപ്പാല റോഡിന്റെ രണ്ടാം ഘട്ടത്തിന് 25 ലക്ഷം, തോട്ടുമുക്കം- വാലില്ലാപുഴ റോഡിന് 50 ലക്ഷം, കൊട്ടാരംപുറത്ത് - പഴംപറമ്പ് റോഡിന് 30 ലക്ഷം, കാളിയാംപുഴ- തൂമ്പച്ചാല്‍ റോഡിന് 30 ലക്ഷം, തിരുവമ്പാടി -അമ്പലപ്പാറ -തോട്ടത്തിന്‍കടവ് റോഡിന്റെ ഒന്നാം ഘട്ടത്തിന് 10 ലക്ഷം, കോലോത്തുംകടവ്- കൂട്ടക്കര റോഡിനും കലുങ്ക് പുനര്‍ നിര്‍മാണത്തിനുമായി 45 ലക്ഷം, കല്‍പ്പൂര് ആര്‍.സി.ബി നിര്‍മാണത്തിന്റെ ഒന്നാം ഘട്ടത്തിന് 50 ലക്ഷം, തിരുവമ്പാടി വാപാട്ട് എസ്.സി കോളനി റോഡിന് 10 ലക്ഷം, കാരശ്ശേരി ഗ്രാമപഞ്ചായത്ത് അറവുശാലക്ക് 20 ലക്ഷം, കക്കാട് സ്റ്റേഡിയത്തിന് 10 ലക്ഷം എന്നിങ്ങനെയാണ് അനുവദിച്ചത്. 12 പ്രവൃത്തികളാണ് പ്രാരംഭ ഘട്ടത്തിലുള്ളത്.
കൊടിയത്തൂര്‍, കാരശ്ശേരി പഞ്ചായത്തുകളിലായി ജില്ലാ പഞ്ചായത്ത് ഫണ്ട് ഉപയോഗിച്ച് നിര്‍മിക്കുന്ന അഞ്ച് കുടിവെള്ള പദ്ധതികള്‍ പൂര്‍ത്തിയായി കൊണ്ടിരിക്കുകയാണെന്നും ജില്ലാ പഞ്ചായത്ത് മെംബര്‍ അറിയിച്ചു.