മനാമ: ബഹ്‌റൈനില്‍ കഴിഞ്ഞ ദിവസം വിവിധ ഭാഗങ്ങളിലായി മൂന്നു പ്രവാസികളെ മരിച്ച നിലയില്‍ കണ്ടെത്തി. എല്ലാവരും ഇന്ത്യക്കാരാണ്. രണ്ടു പേര്‍ തമിഴ്‌നാട് സ്വദേശികളും മറ്റൊരാള്‍ പഞ്ചാബ് സ്വദേശിയുമാണ്.

തമിഴ്‌നാട്ടുകാരായ സിത്രവേലു ഷണ്‍മുഖം എന്നയാളെ മനാമ അല്‍നയിം പ്രദേശത്തുള്ള ക്യാംപിലും രാജുവിനെ ആലിയിലും ആത്മഹത്യ ചെയ്ത നിലയിലാണ് കണ്ടെത്തിയത്. ഇതില്‍ സിത്രവേലു റിയല്‍ എസ്‌റ്റേറ്റ് രംഗത്ത് ജോലിചെയ്യുന്ന ആളാണ്. പഞ്ചാബ് സ്വദേശിയായ അമന്‍ ദീപ് സിങ് എന്നയാളെ വെസ്റ്റ് എക്കറിലെ ലേബര്‍ ക്യാംപിലാണ് മരിച്ച നിലയില്‍ കണ്ടത്.

വിവിധ ലേബര്‍ ക്യാംപുകളിലായാണ് മൂന്നു പേരും ജോലി ചെയ്തിരുന്നത്. രാജു ഓഫിസ് ബോയ് ആയിരുന്നു. പൊലിസ് അന്വേഷണം ആരംഭിച്ചിട്ടുണ്ട്. മൃതദേഹങ്ങള്‍ നാട്ടിലേക്ക് കൊണ്ടുപോകാനുള്ള നടപടിക്രമങ്ങളും പുരോഗമിക്കുന്നുണ്ട്.