തിരുവനന്തപുരം: യു.ഡി.എഫ് നേതാക്കളെല്ലാം ബി.ജെ.പിയുമായി വോട്ടുകച്ചവടം നടത്തി പരിചയമുള്ളവരാണെന്നും പാലാ ഉപതെരഞ്ഞെടുപ്പില്‍ ബി.ജെ.പി യു.ഡി.എഫിനായി വോട്ട് മറിച്ചുവെന്നും ഇടതുമുന്നണി കണ്‍വീനര്‍ എ. വിജയരാഘവന്‍. ഇടതുമുന്നണി യോഗത്തിനു ശേഷം നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു എ. വിജയരാഘവന്‍.
അഞ്ചു മണ്ഡലങ്ങളിലും ഇടതുമുന്നണിക്കു വലിയ വിജയസാധ്യതയാണുള്ളത്. യു.ഡി.എഫിന്റെ കൈവശമുള്ള സീറ്റുകള്‍ പിടിച്ചെടുക്കാന്‍ കഴിയും. കേന്ദ്ര സര്‍ക്കാരിന്റെ സാമ്പത്തിക നയത്തില്‍ പ്രതിഷേധിച്ച് അടുത്ത മാസം 10ന് 140 നിയോജക മണ്ഡലങ്ങളിലും ഇടതുമുന്നണി സായാഹ്ന ധര്‍ണ സംഘടിപ്പിക്കുമെന്നും വിജയരാഘവന്‍ കൂട്ടിച്ചേര്‍ത്തു.