റിയാദ്: സഊദിയില്‍ തുടരുന്ന കനത്ത മഴക്കിടെ മലപ്പുറം സ്വദേശി ഷോക്കേറ്റു മരിച്ചു. തുവ്വൂര്‍ അക്കരപ്പുറം സ്വദേശി നിയാസ് (28) ആണ് ജിദ്ദയില്‍ ഷോക്കേറ്റ് മരിച്ചത്. ജിദ്ദ റുവൈസില്‍ ശനിയാഴ്ച രാത്രിയാണ് സംഭവം. ചാറ്റല്‍ മഴയ്ക്കിടെ റോഡരികിലെ വിളക്കു കാലില്‍നിന്നാണ് ഷോക്കേറ്റത്. സമീപത്തുണ്ടായിരുന്നവര്‍ രക്ഷിക്കാന്‍ ശ്രമിച്ചെങ്കിലും വിജയിച്ചില്ല. സംഭവ സ്ഥലത്തുതന്നെ മരിച്ചു. പിതാവ് അബൂബക്കറിനോടൊപ്പം റുവൈസിലായിരുന്നു താമസം.