തിരുവനന്തപുരം: വട്ടിയൂര്‍ക്കാവിലെ ഉപ തിരഞ്ഞെടുപ്പില്‍ എല്‍.ഡി.എഫ് സ്ഥാനാര്‍ഥിയെ ഉറപ്പിച്ചു. തിരുവനന്തപുരം മേയറായ വി.കെ പ്രശാന്തിനെ സ്ഥാനാര്‍ഥിയാക്കാനാണ് ആലോചിക്കുന്നത്. ഇതു സംബന്ധിച്ച് തീരുമാനം കൈകൊള്ളാന്‍ തിരുവനന്തപുരത്ത് സി.പി.എം ജില്ലാ സെക്രട്ടേറിയറ്റ് യോഗം ആരംഭിച്ചിട്ടുണ്ട്.

സി.പി.എം സംസ്ഥാന നേതൃത്വമാണ് വി.കെ പ്രശാന്തിന്റെ പേര് നിര്‍ദേശിച്ചത്. എല്‍.ഡി.എഫ് കണ്‍വീനര്‍ എ. വിജയരാഘവന്‍ ഇത് ജില്ലാ സെക്രട്ടേറിയറ്റില്‍ റിപ്പോര്‍ട്ട് ചെയ്തു. ഇത് അന്തിമമാക്കാനാണ് ജില്ലാ സെക്രട്ടേറിയറ്റ് ചേരുന്നത്. അതേ സമയം യു.ഡി.എഫിലും എന്‍.ഡി.എയിലും സ്ഥാനാര്‍ഥി ചര്‍ച്ച എങ്ങുമെത്തിയില്ല.