പെരുമണ്ണ: മകളുടെ വിവാഹ ചടങ്ങിനെത്തിയ ആയിരക്കണക്കിനാളുകളുടെ മുമ്പില്‍ പിതാവിന്റെ ജീവകാരുണ്യ പ്രവര്‍ത്തനം നാട്ടുകര്‍ക്ക് പുതിയ അനുഭവമായി.
കോണ്‍ഗ്രസ് പ്രവര്‍ത്തകനായ വള്ളിക്കുന്ന് പറമ്പില്‍ ദേവദാസനാണ് ഏക മകള്‍ അശ്വനിയുടെ വിവാഹപന്തല്‍ ജീവകാരുണ്യ പ്രവര്‍ത്തനത്തിനുള്ള വേദിയാക്കി മാറ്റിയത്.പെരുമണ്ണ ആസ്ഥാനമായി പ്രവര്‍ത്തിക്കുന്ന മഹാത്മ ചാരിറ്റബിള്‍ ട്രസ്റ്റിന് സാമ്പത്തിക സഹായം നല്‍കിയതിനോടൊപ്പം വിവാഹത്തിനെത്തിയവര്‍ക്ക് പച്ചക്കറിവിത്തുകളടങ്ങിയ കിറ്റും വിതരണം ചെയ്തു.
വധൂവരന്മാരുടെ സാന്നിധ്യത്തില്‍ മഹാത്മ ചാരിറ്റബിള്‍ ട്രസ്റ്റ് ചെയര്‍മാന്‍ കെ.കെ ഷമീര്‍ ഫണ്ട് ഏറ്റുവാങ്ങി. ട്രസ്റ്റ് അംഗങ്ങളായ പി.മൊയ്തീന്‍, എം.എ പ്രഭാകരന്‍, ദിനേശ് പെരുമണ്ണ, എന്നിവര്‍ ചടങ്ങില്‍ സംബന്ധിച്ചു.