കോട്ടക്കല്‍: പരിസ്ഥിതി സൗഹൃദ ക്യാംപസ് എന്ന ലക്ഷ്യത്തിലേക്കുള്ള ചുവടുവെപ്പുമായി കോട്ടൂര്‍ എ.കെ.എം.എച്ച്.എസ്.എസ്. ക്യാപസിനെ പൂര്‍ണമായും പ്ലാസ്റ്റിക് മുക്ത ക്യാംപസ് എന്ന് പ്രഖ്യാപിച്ച് പ്രൊഫ.കെ.കെ ആബിദ് ഹുസൈന്‍ തങ്ങള്‍ എം.എല്‍.എ പ്ലസ് വണ്‍ പരീക്ഷയില്‍ ഉയര്‍ന്ന മാര്‍ക്ക് നേടിയ കുട്ടികള്‍ക്ക് സ്റ്റീല്‍ ഫ്‌ളാസ്‌കുകള്‍ സമ്മാനിച്ചു.
ഇനി മുതല്‍ പ്ലാസ്റ്റിക് കവറുകളോ പ്ലാസ്റ്റിക് കുപ്പികളോ ഉപയോഗിക്കില്ലെന്ന് കുട്ടികള്‍ പ്രതിജ്ഞയെടുക്കുകയും ചെയ്തു. ചടങ്ങില്‍ നഗരസഭ ചെയര്‍മാന്‍ കെ.കെ നാസര്‍ അധ്യക്ഷനായി.
സ്ഥിരസമിതി അധ്യക്ഷന്‍മാരായ സാജിദ് മങ്ങാട്ടില്‍, ടി.വി സുലൈഖാബി, പ്രിന്‍സിപ്പല്‍ അലി കടവണ്ടി, സ്‌പൈജ എ.ബി, മാനേജര്‍ ഇബ്രാഹീം ഹാജി എന്നിവര്‍ സംസാരിച്ചു.