കാസര്‍കോട്: റിസര്‍വ് ബാങ്ക് പുതുതായി ഇറക്കിയ ഇരുനൂറു രൂപാ നോട്ട് എ.ടി.എം,സി.ഡി.എം യന്ത്രങ്ങള്‍ക്ക് വേണ്ട. ജില്ലയിലെ എസ്.ബി.ഐ ഉള്‍പ്പെടെയുള്ള വിവിധ ബാങ്കുകളുടെ എ.ടി.എം, സി.ഡി.എം കൗണ്ടറുകളില്‍ 200 രൂപ നോട്ടുകള്‍ സ്വീകരിക്കില്ലെന്ന് എഴുതി വച്ചിട്ടുണ്ട്. ഇത് യന്ത്രങ്ങളുടെ സഹായത്തോടെ പണമിടപാട് നടത്തുന്ന ആളുകള്‍ക്ക് ദുരിതമാവുകയാണ്.
ബാങ്ക് അവധി ദിവസങ്ങളില്‍ ഇതര സംസ്ഥാന തൊഴിലാളികളുള്‍പ്പെടെ ഒട്ടനവധി ആളുകള്‍ തങ്ങളുടെ നാട്ടിലെ ബന്ധുക്കള്‍ക്ക് പണം കൈമാറാന്‍ ആശ്രയിക്കുന്നത് സി.ഡി.എം യന്ത്രങ്ങളെയാണ്. എന്നാല്‍ ഇരുനൂറു രൂപയുള്‍പ്പെടെയുള്ള നോട്ടുകളുമായി കൗണ്ടറിലെത്തുന്ന ആളുകള്‍ ഇവ യന്ത്രത്തില്‍ ഇട്ടുബാക്കി കാര്യങ്ങള്‍ ചെയ്യുമ്പോഴാണ് നോട്ടുകള്‍ യന്ത്രം സ്വീകരിക്കുന്നില്ലെന്നു മനസിലാകുന്നത്.
ചില ബാങ്കുകളുടെ സി.ഡി.എം കൗണ്ടറുകളില്‍മാത്രമാണ് ഇരുനൂറു രൂപ നോട്ടുകള്‍ സ്വീകരിക്കില്ലെന്ന് പ്രത്യേകം എഴുതിവച്ചിരിക്കുന്നത്.