പത്തനാപുരം:കുന്നിക്കോട് കെ.എം.കെ ഹോസ്പിറ്റലിന് എതിര്‍വശം ഉണ്ടായ വാഹനാപകടത്തില്‍ രണ്ടു യുവാക്കള്‍ക്ക് പരുക്കേറ്റു. സ്‌കൂട്ടര്‍ തമ്മില്‍ കുട്ടിയിടിച്ചുണ്ടായ അപകടത്തില്‍ ഗുരുതരമായി പരിക്കേറ്റ പത്തനംതിട്ട സ്വദേശി സുരേഷ് (47), പത്തനാപുരം സ്വദേശി സഹദ് (24) എന്നിവരെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ പുലര്‍ച്ചെ ആറിനായിരുന്നു അപകടം.
പത്രം വിതരണത്തിനായി പോയ ഷാഹുല്‍ ഹമീദ് മുസ് ലിയാരാണ് അപകട വിവരം പൊലിസ് സ്റ്റേഷനില്‍ അറിയിച്ചത്. തുടര്‍ന്ന് പൊലിസെത്തിയാണ് പരുക്കേറ്റവരെ ആശുപത്രിയിലെത്തിച്ചത്. തകര്‍ന്ന് അറ്റകുറ്റപ്പണി നടക്കാതെ കിടക്കുന്ന ഈ റോഡില്‍ അപകടങ്ങള്‍ പതിവാണ്. റോഡിന്റെ അറ്റകുറ്റപണി നടന്നിട്ട് രണ്ട് വര്‍ഷത്തിലേറെയായെന്ന് നാട്ടുകാര്‍ പറയുന്നു.