ജിദ്ദ: ഈ വര്‍ഷത്തെ ഹജ്ജിനു മിനായില്‍ ഹാജിമാര്‍ക്ക് സേവനം ചെയ്ത കോട്ടക്കല്‍ മണ്ഡലത്തില്‍ നിന്നുള്ള കെ എം സി സി ഹജ്ജ് വളണ്ടിയര്‍മാരെ ജിദ്ദ കോട്ടക്കല്‍ മണ്ഡലം കെഎംസിസി കമ്മിറ്റി 'ഹജ്ജ് വളണ്ടിയര്‍ സ്‌നേഹസംഗമം' സംഘടിപ്പിച്ചു. ജിദ്ദ കെ എം സി സി സെന്‍ട്രല്‍ കമ്മിറ്റി ഓഫിസ് ഓഡിറ്റോറിയത്തില്‍ നടന്ന പരിപാടി കെ എം സി സി സെന്‍ട്രല്‍ കമ്മിറ്റി ജനറല്‍ സെക്രട്ടറി അബുബക്കര്‍ അരിമ്പ്ര ഉത്ഘാടനം ചെയ്തു. കെ.എം.സി.സി നടത്തുന്ന നിരവധി സേവന പ്രവര്‍ത്തനങ്ങളില്‍ ഏറ്റവും മികച്ചതാണ് ഹജ്ജ് വളണ്ടിയര്‍ സേവനമെന്ന് അദ്ദേഹം പറഞ്ഞു. അല്ലാഹുവിന്റെ പ്രീതി മാത്രം ആഗ്രഹിച്ചു പ്രവര്‍ത്തിക്കുന്ന കെ.എം.സി.സി ഹജ്ജ് വളണ്ടിയര്‍മാരുടെ സേവനം ശ്ലാഘനീയമാണെന്നും അദ്ദേഹം പറഞ്ഞു. ചടങ്ങില്‍ കോട്ടക്കല്‍ മണ്ഡലം കെ.എം.സി.സി പ്രസിഡന്റ് കെ.എം. മൂസ ഹാജി കോട്ടക്കല്‍ അധ്യക്ഷത വഹിച്ചു.

സെന്‍ട്രല്‍ കമ്മിറ്റി ആക്ടിങ് പ്രസിഡന്റ് വി.പി. മുസ്തഫ, ലത്തീഫ് മുസ്ലിയാരങ്ങാടി, നാസര്‍ മച്ചിങ്ങല്‍, ഇസ്മായില്‍ മുണ്ടക്കുളം ഇല്യാസ് കല്ലിങ്ങല്‍, വി.പി. ഉനൈസ് , മജീദ് അരിമ്പ്ര, നാസര്‍ കാടാമ്പുഴ, ശിഹാബ് താമരക്കുളം, മജീദ് കൊട്ടീരി, അസീസ് കോട്ടോപ്പാടം, മജീദ് പുകയൂര്‍, ലത്തീഫ് ചാപ്പനങ്ങാടി, റഫീഖ് കൂളത്ത് തുടങ്ങിയവര്‍ ആശംസ പ്രസംഗം നടത്തി.

ഈയിടെ നിര്യാതനായ കെഎംസിസി ഹജ്ജ് വളണ്ടിയര്‍ കാപ്പന്‍ മരക്കാരിന്റെ കുടുംബ സഹായ ഫണ്ടിലേക്ക് കോട്ടക്കല്‍ മണ്ഡലം ഹജ്ജ് വളണ്ടിയര്‍മാര്‍ സ്വരൂപിച്ച സംഖ്യ ജിദ്ദ കെ.എം.സി.സി ഹജ്ജ് വളണ്ടിയര്‍ ജനറല്‍ ക്യാപ്റ്റന്‍ ശിഹാബ് താമരക്കുളത്തിനു കോട്ടക്കല്‍ മണ്ഡലം കെ.എം.സി.സി ഹജ്ജ് വളണ്ടിയര്‍ ക്യാപ്റ്റന്‍ അന്‍വര്‍ പൂവല്ലൂര്‍ ചടങ്ങില്‍ വെച്ച് കൈമാറി.

സര്‍ട്ടിഫിക്കറ്റുകള്‍ മണ്ഡലം ജില്ലാ സെന്‍ട്രല്‍ കമ്മിറ്റി നേതാക്കള്‍ ഹജ്ജ് വളന്റിയര്മാര്ക്ക് സമ്മാനിച്ചു. ഇതിന്റെ ഉത്ഘാടനം ശിഹാബ് താമരക്കുളം അന്‍വര്‍ പൂവ്വല്ലൂരിന് നല്‍കി നിര്‍വഹിച്ചു.

അന്‍വര്‍ സാദത്ത് കുറ്റിപ്പുറം, മുജീബ് റഹ്മാന്‍ നെയ്യത്തൂര്‍, കുഞ്ഞാലി കുമ്മാളില്‍, അഹ്മദ് കുട്ടി കോട്ടക്കല്‍ തുടങ്ങിയവര്‍ പരിപാടിക്ക് നേതൃത്വം നല്‍കി.

കെഎംസിസി നേതാക്കളായ സി.കെ. റസാഖ് മാസ്റ്റര്‍, അബ്ബാസ് വെങ്ങൂര്‍, ഷൗക്കത്ത് ഞാറക്കോടന്‍, വി.വി. അഷ്‌റഫ് എന്നിവര്‍ പരിപാടിയില്‍ സംബന്ധിച്ചു. മുഹമ്മദ് കല്ലിങ്ങല്‍ ഖിറാഅത് നടത്തി.