പാണ്ടിക്കാട്: അങ്ങാടിയില്‍ അനുഭവപ്പെടുന്ന ഗതാഗതക്കുരുക്ക് പരിഹരിക്കല്‍, പാര്‍ക്കിങ്ങ് ക്രമീകരണം എന്നിവയെകുറിച്ച് ചര്‍ച്ച ചെയ്യുന്നതിന് പഞ്ചായത്ത്, പൊലിസ്, പൊതുമരാമത്ത് റവന്യുവകുപ്പുകള്‍, മോട്ടോര്‍ തൊഴിലാളി സാമൂഹ്യ സന്നദ്ധസംഘനാ പ്രതിധികള്‍ എന്നിവര്‍ പങ്കെടുത്ത ട്രാഫിക്ക് ക്രമീകരണ സമിതി കൂടിയാലോചനാ യോഗം ചേര്‍ന്നു.
പഞ്ചായത്ത് പ്രസിഡന്റ് കെ.പി പ്രേമലത അധ്യക്ഷയായി. സി.ഐ യുസുഫ്, എസ്.ഐ ദയാശീലന്‍, മലപ്പുറം മോട്ടോര്‍വെഹിക്കിള്‍ ഇന്‍സ്‌പെക്ടര്‍ പി.പ്രകാശ്, വെട്ടിക്കാട്ടിരി വില്ലേജ് ഓഫിസര്‍ കെ.ഹരീഷ്, പി.ഡബ്ല്യു.ഡി ഓവര്‍സിയര്‍ ജയകുമാര്‍, പി.സി നാണി, കുരിക്കള്‍ അഷ്‌റഫ്, പഞ്ചായത്ത് അംഗങ്ങളായ ടി.സി ഫിറോസ്ഖാന്‍, ഗോപാലകൃഷ്ണന്‍ സംബന്ധിച്ചു.