റിയാദ്: കൊണ്ടോട്ടി മണ്ഡലം കെ.എം.സി.സി ട്രഷറര്‍ കെ.സി. ഗഫൂര്‍ ഒളവട്ടൂരിനുള്ള യാത്രയയപ്പും റിയാദ് സെന്‍ട്രല്‍ കമ്മിറ്റി സംഘടിപ്പിച്ച സെവന്‍സ് ഫുട്‌ബോള്‍ ജേതാക്കളായ കൊണ്ടോട്ടി മണ്ഡലം ടീമിനുള്ള അനുമോദനവും സംഘടിപ്പിച്ചു. റിയാദ് അപ്പോളോ ഡിമോറ ഓഡിറ്റോറിയത്തില്‍ നടന്ന പരിപാടിയില്‍ പ്രസിഡന്റ് അലവിക്കുട്ടി ഒളവട്ടൂര്‍ അധ്യക്ഷത വഹിച്ചു. കെ.എം.സി.സി മലപ്പുറം ജില്ലാ പ്രസിഡണ്ട് മുഹമ്മദ് വേങ്ങര ഉദ്ഘാടനം ചെയ്തു. ജാഫര്‍ ഹുദവി ഖിറാഅത്ത് നടത്തി. ഗഫൂര്‍ ഒളവട്ടൂരിനുള്ള യാത്രയയപ്പ് ഉപഹാരം നാഷണല്‍ കമ്മിറ്റി അംഗം കോയാമു ഹാജിയും, മണ്ഡലം ഉപഹാരം ജില്ലാ കമ്മിറ്റി അംഗം മുനീര്‍ വാഴക്കാടും സെന്‍ട്രല്‍ കമ്മിറ്റി ഉപഹാരം സെന്‍ട്രല്‍ കമ്മിറ്റി ജനറല്‍ സെക്രട്ടറി മൊയ്തീന്‍ കോയ കല്ലമ്പാറയും കൈമാറി.

റിയാദ് സെന്‍ട്രല്‍ കമ്മിറ്റി പ്രസിഡന്റ് സി.പി. മുസ്തഫ, ജനറല്‍ സെക്രട്ടറി മൊയ്തീന്‍ കോയ കല്ലമ്പാറ, മലപ്പുറം ജില്ലാ ജനറല്‍ സെക്രട്ടറി അസീസ് വെങ്കിട്ട, ഉസ്മാന്‍ അലി പാലത്തിങ്ങല്‍, ശുഐബ് പനങ്ങാങ്ങര, സത്താര്‍ താമരത്ത്, അഡ്വ: അനീര്‍ ബാബു, അഷ്‌റഫ് കല്പകഞ്ചേരി, മുനീര്‍ വാഴക്കാട്, അഷ്‌റഫ് മോയന്‍, നാസര്‍ മാങ്കാവ്, ബശീര്‍ ചേറ്റുവ, അര്‍ഷദ് തങ്ങള്‍ ചെട്ടിപ്പടി എന്നിവര്‍ സംസാരിച്ചു. യാത്രയയപ്പ് പരിപാടിക്ക് നന്ദി പറഞ് ഗഫൂര്‍ ഒളവട്ടൂര്‍ സംസാരിച്ചു.

റിയാദ് മലപ്പുറം ജില്ലാ കെ.എം.സി.സി റിവൈവ് സീസണ്‍ 2 ന്റെ പ്രചാരണാര്‍ഥം നടത്തിയ ഫോട്ടോഗ്രാഫി മത്സരത്തില്‍ രണ്ടാം സ്ഥാനം നേടിയ ഹാദി ഷറഫിനുള്ള ട്രോഫിയും സര്‍ട്ടിഫിക്കറ്റും ചടങ്ങില്‍ കൈമാറി. യാത്രയയപ്പ് സംഗമത്തിന് ശേഷം നടന്ന പരിപാടിയില്‍ റിയാദ് സെന്‍ട്രല്‍ കമ്മിറ്റി നടത്തിയ ഫുടബോള്‍ മത്സരത്തില്‍ ജേതാക്കളായ മണ്ഡലം കമ്മിറ്റി ടീമിനുള്ള അനുമോദന ചടങ്ങ് ഫിറോസ് പള്ളിപ്പടി അധ്യക്ഷത വഹിച്ചു. റിയാദ് സെന്‍ട്രല്‍ കമ്മിറ്റി സെക്രട്ടറി സത്താര്‍ താമരത്ത് ഉദ്ഘാടനം ചെയ്തു. മണ്ഡലം ട്ടീം മേനേജര്‍ അസ്‌ലം പള്ളത്ത് ടീംഅംഗങ്ങളെ പരിചയപ്പെടുത്തി.

ടീം അംഗങ്ങള്‍ക്കുള്ള മെഡലുകള്‍ അലവിക്കുട്ടി ഒളവട്ടൂര്‍, കോയാമു ഹാജി, ബഷീര്‍ സിയാംകണ്ടം, മുനീര്‍ വാഴക്കാട്, ഹംസക്കോയ പെരുമുഖം, ഷറഫു പുളിക്കല്‍, അസ്‌ലം പള്ളത്തില്‍, ഗഫൂര്‍ ഒളവട്ടൂര്‍, സലീം സിയാംകണ്ടം എന്നിവര്‍ സമ്മാനിച്ചു. ഷക്കീല്‍, ഹംസക്കോയ പെരുമുഖം, ബഷീര്‍ വിരിപ്പാടം, അനീസ് സിയാംകണ്ടം ആശംസകള്‍ അര്‍പ്പിച്ചു സംസാരിച്ചു. മണ്ഡലം, പഞ്ചായത്ത് ഭാരവാഹികള്‍ ചടങ്ങിന് നേതൃത്വം നല്‍കി. മണ്ഡലം ജനറല്‍ സെക്രട്ടറി ബഷീര്‍ സിയാംകണ്ടം സ്വാഗതവും, ട്രഷറര്‍ ഷറഫു പുളിക്കല്‍ നന്ദിയും പറഞ്ഞു.