ഇസ്‌ലാബാദ്: കര്‍താര്‍പുര്‍ ഇടനാഴിയുടെ ഉദ്ഘാടനത്തിന് മുന്‍ പ്രധാനമന്ത്രി ഡോ. മന്‍മോഹന്‍ സിങിനെ അതിഥിയായി ക്ഷണിച്ചു. എന്നാല്‍ പ്രധാനമന്ത്രി നരേന്ദ്ര മോദിക്ക് പാകിസ്താന്റെ ക്ഷണമില്ല. പാക് വിദേശകാര്യ മന്ത്രി ഷാ മഹ്മൂദ് ഖുറേഷിയാണ് മന്‍മോഹനെ ക്ഷണിക്കാനുള്ള തീരുമാനം അറിയിച്ചത്.

പാകിസ്താനിലെ കര്‍താര്‍പൂര്‍ ഗുരുദ്വാര ദര്‍ബാര്‍ സാഹിബിലേക്ക് ഇന്ത്യന്‍ തീര്‍ഥാടകര്‍ക്ക് സന്ദര്‍ശനം
സാധ്യമാക്കുന്ന ഇടനാഴിയാണിത്. സിഖ് മത സ്ഥാപകനായ ഗുരു നാനാക് ദേവ് 1539ല്‍ മരണമടഞ്ഞത് ഗുരുദ്വാരാ സാഹിബിലാണ്. നവംബര്‍ 9നാണ് കര്‍താര്‍പുര്‍ ഇടനാഴിയുടെ ഉദ്ഘാടനം. ഗുരു നാനാക് ദേവിന്റെ 550ാം ജന്മവാര്‍ഷികത്തോടനുബന്ധിച്ചാണ് ഇടനാഴി പൂര്‍ത്തിയാക്കിയത്.