കോഴിക്കോട്: കേരളത്തില്‍ നടപ്പിലാക്കുന്ന വിദ്യാഭ്യാസ പരിഷ്‌കരണ പ്രവര്‍ത്തനങ്ങളില്‍ പ്രചരണങ്ങള്‍ക്കപ്പുറം ഗുണനിലവാരം ഉറപ്പുവരുത്താന്‍ ബന്ധപ്പെട്ടവര്‍ ശ്രദ്ധിക്കണമെന്ന് എം.കെ രാഘവന്‍ എം.പി. കേരള ഹയര്‍ സെക്കന്‍ഡറി ടീച്ചേഴ്‌സ് യൂനിയന്‍ സംസ്ഥാന കൗണ്‍സില്‍ മീറ്റും ഇഫ്താര്‍ സംഗമവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിദ്യാഭ്യാസ മേഖലയില്‍ ലോകോത്തര നിലവാരത്തിലുള്ള സംവിധാനവും ഉള്ളടക്കവും രൂപപ്പെടുത്തുന്നതില്‍ അധ്യാപക സമൂഹം നേതൃപരമായ പങ്കുവഹിക്കണമെന്നും അദ്ദേഹം പറഞ്ഞു.
എം.എസ്.എസ് ഓഡിറ്റോറിയത്തില്‍ നടന്ന ചടങ്ങില്‍ പ്രസിഡന്റ് നിസാര്‍ ചേലേരി അധ്യക്ഷനായി. മുസ്‌ലിം ലീഗ് സംസ്ഥാന സെക്രട്ടറി എം.സി മായിന്‍ ഹാജി ഉപഹാര സമര്‍പ്പണം നടത്തി.
കെ.ടി അബ്ദുല്‍ ലത്തീഫ്, ഒ. ഷൗക്കത്തലി, കെ. മുഹമ്മദ് ഇസ്മായില്‍, വി.കെ അബ്ദുറഹ്മാന്‍, വിളക്കോട്ടൂര്‍ മുഹമ്മദലി, കെ.കെ നവാസ്, കെ.എം.എ നാസര്‍, ടി.പി മുഹമ്മദ് റഫീഖ്, അസീസ് നരിക്കലക്കണ്ടി, കെ.സി.എ സമദ്, വി. സജിത്ത്, എ. അബൂബക്കര്‍, കെ. മുഹമ്മദ് ജാസിം, കെ.കെ മുഹമ്മദ് അശ്‌റഫ്, അന്‍വര്‍ അടുക്കത്ത്, ഷമീം അഹമ്മദ് സംസാരിച്ചു.
ജനറല്‍ സെക്രട്ടറി എസ്. സന്തോഷ്‌കുമാര്‍ സ്വാഗതവും ട്രഷറര്‍ സി.ടി.പി ഉണ്ണി മൊയ്തീന്‍ നന്ദിയും പറഞ്ഞു.