ചെങ്ങന്നൂര്‍: ചെങ്ങന്നൂരില്‍ നിന്നും തിരുപ്പതിയിലേക്കു പുതിയതായി ട്രയിന്‍ സര്‍വ്വീസ് ആരംഭിക്കുമെന്ന് കൊടിക്കുന്നില്‍ സുരേഷ് എം.പി അറിയിച്ചു.

പുലിയൂരില്‍ എട്ടാം വാര്‍ഡിലെ ഗ്രാമ പഞ്ചായത്തംഗമായ ബാബു കല്ലൂത്രയുടെ മെമ്പേഴ്‌സ് മെറിറ്റ് അവാര്‍ഡ് ദാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ശബരിമലയുടെ പ്രധാന പ്രവേശന കവാടമായ ചെങ്ങന്നൂരിന്റെ വികസനത്തിനായി തുടര്‍ പ്രവര്‍ത്തനങ്ങള്‍ ത്വരിതപ്പെടുത്തുമെന്നും എം.പി പറഞ്ഞു. കുളിക്കാം പാലം ജംഗ്ഷനില്‍ വാര്‍ഡ് അംഗത്തിന്റെ ആവശ്യം പരിഗണിച്ച് ഹൈമാസ്റ്റ് ലൈറ്റ് സ്ഥാപിക്കുന്നതിനുള്ള നടപടികള്‍ സ്വീകരിക്കുമെന്നുള്ള ഉറപ്പു നല്‍കി.പുലിയൂര്‍ഗ്രാമ പഞ്ചായത്ത് പ്രസിഡന്റ് ടി.ടി.
ഷൈലജയുടെ അധ്യക്ഷതയില്‍ കുടിയ യോഗത്തിന്‍ ജില്ലാ പഞ്ചായത്തംഗം ജോജി ചെറിയാന്‍, അഡ്വ.ഡി.വിജയകുമാര്‍, ബ്ലോക്ക് പഞ്ചായത്തംഗം കൃഷ്ണകുമാരി, അഡ്വ.ഡി. നാഗേഷ് കുമാര്‍, മുന്‍ ഗ്രാമ പഞ്ചായത്ത് പ്രസിഡന്റ് ഗണേശ് പുലിയൂര്‍,ബാബു കല്ലുത്ര തുടങ്ങിയവര്‍ സംസാരിച്ചു.