ഡല്‍ഹി : സാമ്പത്തിക ശാസ്ത്രത്തിനുള്ള നൊബേല്‍ പുരസ്‌കാരം ഇന്ത്യന്‍ സാമ്പത്തിക ശാസ്ത്രജ്ഞന്‍ അഭിജിത് ബാനര്‍ജി തന്റെ ഭാര്യ എസ്തര്‍ ഡഫ്‌ലോ, അമേരിക്കകാരനായ മൈക്കല്‍ ക്രെമര്‍ എന്നിവര്‍ക്കൊപ്പം പങ്കിട്ടു. ആഗോള ദരിദ്ര നിര്‍മാര്‍ജനത്തിന് നല്‍കിയ സംഭാവനകള്‍ക്കാണ് പുരസ്‌കാരം. കൊല്‍കത്തയില്‍ ജനിച്ച അഭിജിത്ത് ജവഹര്‍ലാല്‍ നെഹ്‌റു സര്‍വകലാശാലയില്‍ നിന്നാണ് ബിരുദാനന്തര ബിരുദം പൂര്‍ത്തിയാക്കിയത്. ഇപ്പോള്‍ അമേരിക്കയിലെ മസാച്ചുസെറ്റ് ഇന്‍സ്റ്റിറ്റ്യൂട്ടിലെ പ്രഫസറാണ്.