കാസര്‍കോട്: കനത്ത കാലവര്‍ഷത്തെ തുടര്‍ന്നു ജില്ലയില്‍ വ്യാപക നാശമുണ്ടായി. നിരവധി വീടുകള്‍ തകര്‍ച്ച നേരിട്ടു. ഇതു വരെ 89 വീടുകള്‍ കാലവര്‍ഷത്തെ തുടര്‍ന്നു തകര്‍ന്നിട്ടുണ്ട്. ഇതില്‍ 28 വീടുകള്‍ പൂര്‍ണമായും 61 വീടുകള്‍ ഭാഗികമായുമാണു തകര്‍ന്നത്. കഴിഞ്ഞ 24 മണിക്കൂറിനകം രണ്ടു വീടുകള്‍ പൂര്‍ണമായും രണ്ടു വീടുകള്‍ ഭാഗികമായും തകര്‍ന്നിട്ടുണ്ട്.   കാലവര്‍ഷത്തില്‍ വീടുകള്‍ തകര്‍ന്നതിനാല്‍ ജില്ലയില്‍ ആകെ 17,17,435 രൂപയുടെ നാശമാണുണ്ടായത്.
24 മണിക്കൂറിനകം ജില്ലയിലുണ്ടായത് 74,000 രൂപയുടെ നാശനഷ്ടമാണ്. നാലു പേരാണ് കാലവര്‍ഷത്തില്‍ മരണപ്പെട്ടത്. മെയ് 30ന് തെക്കുപടിഞ്ഞാറന്‍ മണ്‍സൂണ്‍ ആരംഭിച്ചതിന് ശേഷം ജില്ലയില്‍ ഇതുവരെ  582.2 മി.മീ. മഴയാണ് ലഭിച്ചത്.  കഴിഞ്ഞ 24 മണിക്കൂറിനകം 4.5 മി.മീ മഴയാണ് ലഭിച്ചത്.