ലണ്ടന്‍: അന്റോണിയോ കോണ്ടെ 2021 വരെ ചെല്‍സിയുടെ പരിശീലക സ്ഥാനത്ത് തുടരും. 9.5 മില്യണിന്റെ പുതിയ കരാറില്‍ താരം ഒപ്പുവച്ചിട്ടുണ്ട്. നേരത്തെ പ്രമുഖ താരങ്ങളുടെ ട്രാന്‍സ്ഫര്‍ തുകയുമായി ബന്ധപ്പെട്ടുണ്ടായ തര്‍ക്കത്തെ തുടര്‍ന്ന് കോണ്ടെ ചെല്‍സിയില്‍ തുടരാന്‍ ആഗ്രഹിമില്ലെന്ന് കഴിഞ്ഞ ദിവസം ക്ലബധികൃതരെ അറിയിച്ചിരുന്നു.
എന്നാല്‍ ഇന്നലെ കോണ്ടെയുടെ നിര്‍ദേശങ്ങള്‍ ക്ലബ് അംഗീകരിക്കുകയായിരുന്നു. എവര്‍ട്ടന്‍ താരം റൊമേലു ലുകാകു, മൊണാക്കോയുടെ തിമോയു ബകായോകോ, സിറ്റിയുടെ വില്യം കബാലെറോ എന്നിവരെയാണ് ക്ലബിലെത്തിക്കാന്‍ കോണ്ടെ താല്‍പര്യപ്പെടുന്നത്. പുതിയ കരാറോടെ ഇംഗ്ലണ്ടിലെ ഏറ്റവുമുയര്‍ന്ന തുക ലഭിക്കുന്ന മൂന്നാമത്തെ പരിശീലകനായും കോണ്ടെ ഉയര്‍ന്നു.