പത്തനംതിട്ട: ശബരിമല കേസില്‍ ദേവസ്വംബോര്‍ഡിന് വേണ്ടി സുപ്രിംകോടതിയില്‍ ഹാജരാകുന്നതില്‍ നിന്നും മുതിര്‍ന്ന അഭിഭാഷകന്‍ ആര്യമ സുന്ദരം പിന്മാറി. കേസില്‍ എന്‍.എസ്.എസിനു വേണ്ടി മുന്‍പു ഹാജരായിട്ടുള്ളതിനാലാണ് പിന്മാറ്റമെന്നാണ് സൂചന.

എന്നാല്‍ ദേവസ്വം ബോര്‍ഡിനു വേണ്ടി സുപ്രീം കോടതിയില്‍ ഹാജരാകുന്നതില്‍ നിന്ന് അഭിഭാഷകന്‍ ആര്യാമ സുന്ദരം പിന്‍മാറിയതിനു പിന്നില്‍ ചില സംഘടനകള്‍ക്ക് പങ്കുണ്ടോയെന്ന് സംശയിക്കുന്നതായി ദേവസ്വം ബോര്‍ഡ് പ്രസിഡന്റ് എ.പദ്മകുമാര്‍ പറഞ്ഞു.  ആര് തടഞ്ഞാലും ബോര്‍ഡിനു വേണ്ടി വാദിക്കാന്‍ സുപ്രിം കോടതിയില്‍ അഭിഭാഷകനുണ്ടാകും. പുനഃപരിശോധന ഹരജിയില്‍ അനുകൂലവിധിയുണ്ടാകുമെന്നാണ് പ്രതീക്ഷയെന്നും പത്മകുമാര്‍ പറഞ്ഞു.