ലണ്ടന്‍: ഇന്ത്യന്‍ ഹോക്കി താരം സര്‍ദാര്‍ സിങിനെ ബ്രിട്ടീഷ് പൊലിസ് ചോദ്യം ചെയ്തു. വിവാഹ വാഗ്ദാനം നല്‍കി പീഡിപ്പിച്ച കേസിലാണ് താരത്തെ ചോദ്യം ചെയ്തത്. പാകിസ്താനെതിരായ ജയത്തിന് പിന്നാലെയായിരുന്നു ചോദ്യം ചെയ്യല്‍. യോര്‍ക്ഷയര്‍ പൊലിസാണ് സര്‍ദാരിനെ ചോദ്യം ചെയ്തതെന്ന് ടീം വക്താവ് സ്ഥിരീകരിച്ചു.
അതേസമയം ടൂര്‍ണമെന്റിനിടെ താരത്തെ ചോദ്യം ചെയ്തത് ടീം മാനേജ്‌മെന്റിനെ സമ്മര്‍ദത്തിലാക്കിയിട്ടുണ്ട്. മുന്‍ ഹോക്കി ഇന്ത്യ അധ്യക്ഷന്‍ നരീന്ദര്‍ ബത്ര യു.കെ പൊലിസിന്റെ നടപടി വിമര്‍ശിച്ചു. നേരത്തെ അറിയിക്കാതെ ചോദ്യം ചെയ്തത് ധിക്കാരമാണെന്നും അദ്ദേഹം കൂട്ടിച്ചേര്‍ത്തു.