കല്‍പ്പറ്റ: വയനാടിന്റെ മുപ്പതാമത് ജില്ലാ കലക്ടറായി എസ്. സുഹാസ് ചുമതലയേറ്റു.
2012 ബാച്ച് ഐ.എ.എസ് ഉദ്യോഗസ്ഥനായ അദ്ദേഹം ഫോര്‍ട്ട്‌കൊച്ചി സബ് കലക്ടറായിരുന്നു. തൊഴില്‍വകുപ്പില്‍ എംപ്ലോയ്‌മെന്റ് ഡയറക്ടര്‍, ഐ.ടി ഡെപ്യൂട്ടി സെക്രട്ടറി, പ്ലാനിങ് ആന്‍ഡ് എക്കണോമിക് അഫയേഴ്‌സ് ഡെപ്യൂട്ടി സെക്രട്ടറി, സി.ഡി.എം.യു ഡയറക്ടര്‍, എന്‍.സി.ആര്‍.എം.പി സ്റ്റേറ്റ് പ്രൊജക്ട് മാനേജര്‍ എന്നീ പദവികള്‍ വഹിച്ചിട്ടുണ്ട്.
കര്‍ണാടക സ്വദേശിയാണ്. അച്ഛന്‍ സി.കെ ശിവണ്ണ കര്‍ണാടക കേഡറിലെ ഐ.എഫ്.എസ് ഉദ്യോഗസ്ഥനായിരുന്നു. അമ്മ ശുഭ. ഭാര്യ ഡോ. വൈഷ്ണവി ഡെര്‍മസ്റ്റോളജിസ്റ്റാണ്.
സബ് കലക്ടര്‍ വി.ആര്‍ പ്രേംകുമാര്‍, എ.ഡി.എം കെ.എം രാജു, ഉദ്യോഗസ്ഥര്‍ തുടങ്ങിയവര്‍ ജില്ലാ കലക്ടറെ സ്വീകരിച്ചു. സ്ഥാനമേറ്റെടുത്ത ശേഷം കലക്ടറേറ്റ് പരിസരത്ത് കലക്ടര്‍ ഓര്‍മമരമായി വൃക്ഷത്തൈ നട്ടു.