ആലപ്പുഴ: പാലസ് വാര്‍ഡ് കൗണ്‍സിലര്‍ ഷോളി സിദ്ധകുമാറിനെയും കുടുംബാംഗങ്ങളെയും വീടുകയറി മര്‍ദ്ദിച്ച സംഭവം പ്രതിഷേധാര്‍ഹമാണെന്ന് കേരള കോണ്‍ഗ്രസ് സെക്യുലര്‍ ജില്ലാ പ്രസിഡന്റ് ബേബി പാറക്കാടന്‍ അഭിപ്രായപ്പെട്ടു. ഒരു കാരണവുമില്ലാതെ വീടുകയറി ആക്രമിക്കുകയും അസഭ്യംപറയുകയും ഗുണ്ടാവിളയാട്ടം നടത്തുകയും ചെയ്യുന്ന ഒരു പറ്റം ആളുകളെ നിയന്ത്രിക്കാന്‍ സാധിക്കാത്തത് പോലിസിന്റെ പരാജയമാണെന്നും അദ്ദേഹം പറഞ്ഞു. അടിയന്തരമായി ഗുണ്ടാവിളയാട്ടം നടത്തുന്ന മുഴുവന്‍ ആളുകളെയും അറസ്റ്റുചെയ്ത് നടപടി സ്വീകരിക്കണമെന്ന് ബേബി പാറക്കാടന്‍ ആവശ്യപ്പെട്ടു.