തിരുവനന്തപുരം: ആന്ധ്രക്കെതിരേയുള്ള ചതുര്‍ദിന രഞ്ജി ട്രോഫിയില്‍ കേരളം ജയത്തിനരികെ. ഒരു ദിനം ബാക്കി നില്‍ക്കെ ആന്ധ്ര രണ്ടണ്ടാം ഇന്നിങ്‌സില്‍ എട്ടു വിക്കറ്റ് നഷ്ടത്തില്‍ 102 റണ്‍സ് എന്ന നിലയിലാണുള്ളത്. രണ്ടണ്ടു വിക്കറ്റ് മാത്രം അവശേഷിക്കെ ആന്ധ്രയുടെ ലീഡ് 27 റണ്‍സ് മാത്രം. കേരളത്തിന്റെ ഒന്നാം ഇന്നിങ്‌സിന് അടിത്തറയിട്ട് സെഞ്ചുറി നേട്ടം സ്വന്തമാക്കിയ ജലജ് സക്‌സേന തന്നെ ബൗളിങ്ങിലും മികച്ച പ്രകടനമാണ് നടത്തിയത്. ജലക് ഏഴു വിക്കറ്റുകളാണ് സ്വന്തമാക്കിയത്.
ആദ്യ ഇന്നിങ്‌സില്‍ ആന്ധ്ര 254 റണ്‍സ് സ്‌കോര്‍ ചെയ്തിരുന്നു. തുടര്‍ന്നു ബാറ്റിങിനിറങ്ങിയ കേരളത്തിന്റെ ഒന്നാം ഇന്നിങ്‌സ് 328 റണ്‍സിന് അവസാനിച്ചിരുന്നു. ഒരു വിക്കറ്റിന് 227 റണ്‍സ് എന്ന നിലയില്‍ മൂന്നാം ദിനം ബാറ്റിങ് ആരംഭിച്ച കേരളത്തിന് സ്‌കോര്‍ 241 റണ്‍സ് എന്ന നിലയില്‍ നില്‍ക്കെ ജലജ് സക്‌സേനയുടെ വിക്കറ്റ് നഷ്ടടമായി. കേരളത്തിന്റെ ഒന്നാം ഇന്നിങ്‌സിന് അടിത്തറയിട്ട് സെഞ്ചുറി നേട്ടം സ്വന്തമാക്കിയ ജലജിനെ വ്യക്തിഗത സ്‌കോര്‍ 133ല്‍ നില്‍ക്കെ മനീഷ് ക്ലീന്‍ ബൗള്‍ഡ് ആക്കി.
തുടര്‍ന്നെത്തിയ സഞ്ജു സാംസണ്‍ നാലു പന്ത് നേരിട്ടെങ്കിലും റണ്‍സൊന്നുമെടുക്കാന്‍ സാധിച്ചില്ല. മനീഷിന്റെ പന്തില്‍ സുമന്ത് പിടിച്ചു പുറത്താക്കിയപ്പോള്‍ കേരളത്തിന്റെ സ്‌കോര്‍ 241 തന്നെ. സെഞ്ചുറി കൂട്ടുകെട്ടിന് പിന്തുണ നല്‍കിയ റോഹന്‍ പ്രേമിന്റെ വിക്കറ്റ് കേരളാ സ്‌കോര്‍ 266 ആയപ്പോള്‍ നഷ്ടമായി. മനീഷിന്റെ പന്തില്‍ ഡി.ബി പ്രശാന്ത് പിടിച്ചാണ് രോഹനെ പുറത്താക്കിയത്.
രണ്ടണ്ടാം ദിനം ശക്തമായ നിലയിലെത്തിയ കേരളത്തിന്റെ ബാറ്റ്‌സ്മാന്‍മാരെ മൂന്നാം ദിനത്തെ ആദ്യ സ്‌പെല്ലില്‍ മനീഷ് വരിഞ്ഞുകെട്ടി. ജലജിന്റെയും രോഹന്‍ പ്രേമിന്റെയുമുള്‍പ്പെടെ മൂന്നു വിക്കറ്റുകളാണ് രാവിലെ തന്നെ മനീഷ് സ്വന്തമാക്കിയത്. മനീഷിനു ശക്തമായ പിന്തുണ നല്‍കിയ ഷൊഹൈബ് മുഹമ്മദിന്റെ പന്തുകളും നേരിടാന്‍ കേരളാ താരങ്ങള്‍ ഏറെ ബുദ്ധിമുട്ടി. ജലജും റോഹനും പുറത്തായതോടെ കേരളത്തിന്റെ സ്‌കോറിങ് മന്ദദഗതിയിലായി.
ബേസില്‍ തമ്പി(മൂന്ന്), കെ.സി അക്ഷയ്(രണ്ടണ്ട്) എന്നിവര്‍ക്ക് രണ്ടക്കം കടക്കാനായില്ല. ഒന്നിന് 227 എന്ന നിലയില്‍ മൂന്നാം ദിനം ബാറ്റിങ് ആരംഭിച്ച കേരളത്തിന് 101 റണ്‍സ് കൂട്ടിച്ചേര്‍ക്കുന്നതിടെ ഒന്‍പത് വിക്കറ്റുകളും നഷ്ടമായി .
എന്നാല്‍ രണ്ടണ്ടാം ഇന്നിങ്‌സില്‍ ബാറ്റിങിനിറങ്ങിയ ആന്ധ്രയ്ക്ക് ജലജ് സക്‌സേനയുടെ ബൗളിങിനു മുന്നില്‍ പിടിച്ചു നില്‍ക്കാന്‍ കഴിയാത്ത സ്ഥിതിയാണ് തുമ്പ സ്റ്റേഡിയത്തില്‍ കണ്ടണ്ടത്. മൂന്നാം ദിനത്തെ മത്സരം പൂര്‍ത്തിയായപ്പോള്‍ ആന്ധ്രക്ക് രണ്ടണ്ടാം ഇന്നിങ്‌സില്‍ നഷ്ടടപ്പെട്ട എട്ടുവിക്കറ്റുകളില്‍ ഏഴു വിക്കറ്റും സ്വന്തമാക്കിയത് ജലജ് സക്‌സേന. 19 ഓവര്‍എറിഞ്ഞ ജലജ് 44 റണ്‍സ് വിട്ടുകൊടുത്താണ് ആന്ധ്രയുടെ ഏഴു വിക്കറ്റുകള്‍ കൊയ്തത്. ആദ്യ ഇന്നിങ്‌സില്‍ സെഞ്ചുറി നേടിയ റിക്കി ഭൂയിയാണ് രണ്ടണ്ടാം ഇന്നിങ്‌സിലും ആന്ധ്രയുടെ ടോപ് സ്‌കോറര്‍. 47 പന്ത് നേരിട്ട ഭൂയി 30 റണ്‍സുമായി ക്രീസിലുണ്ടണ്ട്. ആന്ധ്രയെ വേഗത്തില്‍ ഓള്‍ഓട്ടാക്കി രണ്ടണ്ടാം ഇന്നിങ്‌സില്‍ ബാറ്റിങിനിറങ്ങി വിജയം സ്വന്തമാക്കാനുള്ള പോരാട്ടമാകും രാവിലെ തന്നെ കേരളം നടത്തുക.