പാലക്കാട്: കേരള സ്റ്റേറ്റ് ലൈബ്രറി കൗണ്‍സില്‍ ഹൈസ്‌കൂള്‍ വിദ്യാര്‍ഥികള്‍ക്കായി നടത്തുന്ന അഖില കേരള വായന മത്സരത്തിന്റെ താലൂക്ക് തല മത്സരം നാളെ ഉച്ചയ്ക്ക് രണ്ടിന് അതത് താലൂക്ക് കേന്ദ്രങ്ങളില്‍ നടത്തും. ഹൈസ്‌കൂള്‍ തലത്തില്‍ നടന്ന മത്സരത്തില്‍ ഒന്നും രണ്ടും മൂന്നും സ്ഥാനങ്ങള്‍ നേടിയ   വിദ്യാര്‍ഥികളാണ് താലൂക്ക്തല മത്സരത്തില്‍ പങ്കെടുക്കേണ്ടത്.  വിജയികളാവുന്നവര്‍ക്ക് അതത് താലൂക്ക് സെക്രട്ടറിമാര്‍ ഹാള്‍ ടിക്കറ്റുകള്‍ കുട്ടികള്‍ പഠിക്കുന്ന സ്‌കൂളിലേയ്ക്ക് അയച്ചിട്ടുണ്ട്.  പ്രധാനാധ്യാപകന്‍ സാക്ഷ്യപ്പെടുത്തിയ ഹാള്‍ ടിക്കറ്റുമായാണ് കുട്ടികള്‍ മത്സരത്തിന് എത്തേണ്ടത്.  പരീക്ഷയ്ക്ക് അര മണിക്കൂര്‍ മുന്‍പ് തന്നെ എത്തണം. താലൂക്ക് കേന്ദ്രങ്ങളോ, മറ്റ് വിശദവിവരങ്ങളോ അറിയുന്നതിന് അതാതു താലൂക്ക്  സെക്രട്ടറിമാരുമായോ ജില്ലാ ഓഫിസ് നമ്പറുമായോ ബന്ധപ്പെടാവുന്നതാണ്. ഫോണ്‍: 04912504364.