കട്ടാങ്ങല്‍: പുള്ളന്നൂര്‍ ഗവ. ന്യൂ ജി.എല്‍.പി സ്‌കൂളിലെ കുട്ടികളും അധ്യാപകരും ചേര്‍ന്ന് പുസ്തകവണ്ടി തയാറാക്കി. സ്‌കൂള്‍ പ്രധാനാധ്യാപിക പുഷ്പലത പുസ്തകവണ്ടി ഫ്‌ളാഗ് ഓഫ് ചെയ്തു.
പൊതു സമൂഹത്തില്‍ ഒരു പുത്തന്‍ വായനാ സംസ്‌കാരം ഉണ്ടാക്കുക എന്ന ലക്ഷ്യം വെച്ച് 150 ല്‍ പരം പുസ്തകങ്ങള്‍ പൊതുജനങ്ങള്‍ക്ക് പരിചയപ്പെടുത്തി. പരിപാടിയില്‍ ചാത്തമംഗലം ഗ്രാമ പഞ്ചായത്ത് മെംബര്‍ ആലിക്കുഞ്ഞി വായനാവാര സന്ദേശം കൈമാറി. അനീസുറഹ്മാന്‍, രൂപാറാണി, ഷൈനി, വി.എസ്  ഷിത പരിപാടിയില്‍ സംബന്ധിച്ചു.