റിയോ ഡി ജനീറോ: അടുത്ത മാസം സഊദി അറേബ്യയില്‍ നടക്കുന്ന സൗഹൃദ മത്സരത്തിനുള്ള ബ്രസീല്‍ ടീമില്‍നിന്ന് നെയ്മര്‍ പുറത്താകുമെന്ന് ആശങ്ക. അടുത്ത മാസം 15നാണ് റിയാദില്‍ അര്‍ജന്റീനയും ബ്രസീലും തമ്മിലുള്ള സൗഹൃദ മത്സരം നടക്കുന്നത്.
ഒക്ടോബര്‍ 13ന് നൈജീരിയയ്‌ക്കെതിരേ നടന്ന മത്സരത്തില്‍ നെയ്മര്‍ക്ക് പരുക്കേറ്റിരുന്നു. ഇതിനെ തുടര്‍ന്നാണ് താരത്തെ ടീമില്‍നിന്ന് പുറത്തിരുത്തിയതെന്നാണ് വിവരം. നാലാഴ്ചയോളം താരം പുറത്തിരിക്കേണ്ട@ിവന്നതോടെയാണ് സൗഹൃദ മത്സരങ്ങളിലും സ്ഥാനം നഷ്ടമായത്. അര്‍ജന്റീനയ്‌ക്കെതിരേ നവംബര്‍ 15ന് നടക്കേ@ണ്ട മത്സരത്തില്‍ നെയ്മറുടെ അസാന്നിധ്യം ബ്രസീലിന് തിരിച്ചടിയാകുമെന്ന ആശങ്കയു@ണ്ട്. തുടര്‍ന്ന് അബൂദബിയില്‍വച്ച് ദക്ഷിണ കൊറിയയേയും മുന്‍ ലോക ചാംപ്യന്‍മാര്‍ നേരിടും. അര്‍ജന്റീനയെ നേരിടുന്ന ബ്രസീല്‍ ടീമില്‍ ടിറ്റെ കാര്യമായ അഴിച്ചുപണി നടത്തുമെന്നാണ് വിവരം. ആസ്റ്റണ്‍ വില്ല താരം ഡഗ്ലസ് ലൂയിസ്, റയല്‍ മാഡ്രിഡ് താരം റോഡ്രിഗോ എന്നിവര്‍ക്ക് ആദ്യമായി ടീമില്‍നിന്ന് വിളിയെത്തി. റോമ ഗോള്‍ കീപ്പര്‍ ഡാനിയേല്‍ ഫുസാറ്റോ, റയല്‍ ബെറ്റിസ് പ്രതിരോധ താരം എമേഴ്‌സണ്‍ എന്നിവരും ആദ്യമായി ദേശീയ ടീമിലെത്തിയിട്ടു@ണ്ട്. കോപ അമേരിക്കക്ക് ശേഷം മോശം ഫോമില്‍ തുടരുന്ന ബ്രസീലിന് ജയം കണ്ടെത്താനാണ് ടീമില്‍ വലിയ മാറ്റങ്ങള്‍ വരുത്തുന്നത്. അതേസമയം ബ്രസീലിനെ നേരിടുന്ന അര്‍ജന്റീനന്‍ ടീമിലും കാര്യമായ മാറ്റങ്ങളുണ്ടാകുമെന്നാണ് റിപ്പോര്‍ട്ടുകള്‍. ലയണല്‍ മെസ്സി, ഡി മരിയ അടക്കമുള്ള താരങ്ങള്‍ ടീമിലേക്ക് തിരിച്ചെത്തുമെന്ന് റിപ്പോര്‍ട്ടുകളുണ്ട്. എന്നാല്‍ ഇക്കാര്യത്തില്‍ അര്‍ജന്റീന പരിശീലകന്‍ വ്യക്തമായ മറുപടി പറഞ്ഞിട്ടില്ല.