കരിമണ്ണൂര്‍: വയനാവാരാഘോഷത്തിന്റെ ഭാഗമായി പള്ളിക്കാമുറി ലിറ്റില്‍ ഫ്‌ളവര്‍ എല്‍പി സ്‌കൂളില്‍ 'വായനാഗ്രാമം' പദ്ധതിക്ക് തുടക്കമായി.
വായന കുറഞ്ഞുവരുന്ന കാലഘട്ടത്തില്‍ വായനയെ പ്രോത്സാഹിപ്പിക്കുക എന്ന ലക്ഷ്യത്തോടെ സ്‌കൂളിലെ എല്ലാ കുട്ടികളുടെയും വീടുകളില്‍ വായനശാല സ്ഥാപിച്ചാണ് പദ്ധതി ആരംഭിച്ചത്.
  കാളിയന്താനത്ത് അതുല്‍ജിത് രാമചന്ദ്രന്‍ എന്ന കുട്ടിയുടെ വീട്ടില്‍ വാര്‍ഡ് മെമ്പര്‍ ബിന്ദു റോബര്‍ട്ട് പദ്ധതി ഉദ്ഘാടനം ചെയ്തു.
സ്‌കൂള്‍ മാനേജര്‍ ഫാ. ജോസഫ് നീറംപുഴ, തൊടുപുഴ താലൂക്ക് ലൈബ്രറി കൗണ്‍സില്‍ മെമ്പര്‍ ടി പി ജോണ്‍, പന്നൂര്‍ ലൈബ്രറി പ്രസിഡന്റ് ജോര്‍ജ് പാറത്താഴം, പിടിഎ പ്രസിഡന്റ് കെ എം ജോസഫ് എന്നിവര്‍ സംസാരിച്ചു.
ഹെഡ്മിസ്ട്രസ് ടിനിയാമ്മ ജോര്‍ജ് സ്വാഗതവും എംപിടിഎ പ്രസിഡന്റ് ശോഭനാ രാമചന്ദ്രന്‍ നന്ദിയും പറഞ്ഞു.