പെരിന്തല്‍മണ്ണ: ഓടിക്കൊണ്ടിരുന്ന ഹെവി ലോറിക്ക് തീപിടിച്ചു. പെരിന്തല്‍മണ്ണ മനഴി ബസ്സ്റ്റാന്‍ഡിന് സമീപം ഇന്നലെ ഉച്ചക്ക് 12ഓടെയാണ് അപകടം. ലോറി കത്തുന്നത് ശ്രദ്ധയില്‍പ്പെട്ട പരിസരവാസികള്‍ അഗ്‌നിശമന സേനയെ വിവരമറിയിക്കുകയായിരുന്നു. ഫയര്‍‌സ്റ്റേഷന് മീറ്ററുകള്‍ക്കടുത്തായതിനാല്‍ അഗ്‌നിശമനസേന ഉടന്‍ സ്ഥലത്തെത്തി തീയണക്കുകയും ചെയ്തു. അപകട കാരണം വ്യക്തമല്ല. നാട്ടുകാരുടെയും ഫയര്‍ഫോഴ്‌സ് ഉദ്യോഗസ്ഥരുടെയും അവസരോചിത ഇടപെടലില്‍ വന്‍ദുരന്തമാണ് വഴിമാറിയത്.