കരുനാഗപ്പള്ളി: അന്താരാഷ്ട്ര ലഹരിവിരുദ്ധ ദിനത്തോടനുബന്ധിച്ച് കേരള യൂത്ത് പ്രമോഷന്‍ കൗണ്‍സിലിന്റെ ആഭിമുഖ്യത്തില്‍ എക്‌സൈസ് വകുപ്പിന്റെ സഹകരണത്തോടെ പൊതുസമൂഹത്തിന് ലഹരിവിരുദ്ധ സന്ദേശം നല്‍കുന്നതിനായി സംഘടിപ്പിക്കുന്ന ഓപ്പണ്‍ കാന്‍വാസ് സിവില്‍ സ്റ്റേഷന്‍ പരിസരത്ത് നാളെ രാവിലെ എട്ടരയ്ക്ക് നടക്കും.
ചിത്രകാരന്മാര്‍ ഓപ്പണ്‍ കാന്‍വാസില്‍ ലഹരിവിരുദ്ധ സന്ദേശങ്ങള്‍ ഉള്‍ക്കൊള്ളുന്ന ചിത്രങ്ങള്‍ വരയ്ക്കും. ആര്‍. രാമചന്ദ്രന്‍ എം.എല്‍.എ ഓപ്പണ്‍ കാന്‍വാസ് ഉദ്ഘാടനം ചെയ്യും. കേരളാ യൂത്ത് പ്രമോഷന്‍ കൗണ്‍സില്‍ സംസ്ഥാന ചെയര്‍മാന്‍ സുമന്‍ജിത്ത് മിഷ അധ്യക്ഷത വഹിക്കും. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എസ് അജിദാസ് പ്രതിജ്ഞ ചൊല്ലിക്കൊടുക്കും.