കഴക്കൂട്ടം: കാലഹരണപ്പെട്ട ആചാരങ്ങളുടെ പേരില്‍ ഇന്ത്യന്‍ ഭരണഘടനയെ വെല്ലുവിളിച്ച് ശബരിമലയില്‍ യുദ്ധസമാനമായ അന്തരീക്ഷം ഉണ്ടാക്കുവാന്‍ വര്‍ഗീയവാദികള്‍ കോപ്പുകൂട്ടുകയാണെന്നും അതിനെതിരേ യുവജനങ്ങള്‍ ജാഗ്രതയുള്ളവരായിരിക്കണമെന്നും സംസ്ഥാന ഭരണപരിഷ്‌കാര കമ്മിഷന്‍ ചെയര്‍മാന്‍ വി.എസ് അച്ചുതാനന്ദന്‍ അഭിപ്രായപ്പെട്ടു.
ചെമ്പഴന്തി ശ്രീനാരായണ കോളജിലെ യൂനിയന്‍ ഉദ്ഘാടനം ചെയ്യുകയായിരുന്നു അദ്ദേഹം. ആര്‍ട്‌സ് ക്ലബിന്റെ ഉദ്ഘാടനം ഓട്ടോറിക്ഷ ഫിലിം പ്രൊഡക്ഷന്‍ ടീം നിര്‍വഹിച്ചു. കോളജ് പ്രിന്‍സിപ്പല്‍ എസ്.ആര്‍ ജിത, കോളജ് ചെയര്‍മാന്‍ വിഷ്ണുപ്രസാദ്, ഡോ. അജിത്, ഡോ. എസ്. ശ്രീജ പങ്കെടുത്തു.