തിരുവനന്തപുരം: കെ.എസ്.ആര്‍.ടി.സി ബുധാനാഴ്ച മുതല്‍ മിന്നല്‍ സര്‍വിസുകള്‍ നിരത്തിലിറക്കും.

തുടക്കത്തില്‍ പത്തു റൂട്ടിലാണ് സര്‍വിസ് നടത്തുക. ഗതാഗതക്കുരുക്ക് ഒഴിവാക്കാന്‍ രാത്രിയാകും സര്‍വിസുകള്‍. ട്രെയിനുകളേക്കാള്‍ നേരത്തെ എത്തുക എന്നതാണ് മിന്നല്‍ സര്‍വിസിന്റെ ലക്ഷ്യം.

തിരുവനന്തപുരത്തുനിന്നു പാലക്കാടെത്താന്‍ അമൃത എക്‌സ്പ്രസിന് 8.50 മണിക്കൂര്‍ എടുക്കുമെങ്കില്‍ കെ.എസ്.ആര്‍.ടി.സി മിന്നല്‍ സര്‍വിസിന് ആറര മണിക്കൂര്‍ മതി. രാത്രി പത്തിനു തിരുവനന്തപുരത്തു നിന്നു പുറപ്പെടുന്ന ബസ് പിറ്റേന്നു രാവിലെ 5.50ന് പാലക്കാടെത്തും. നാലു സ്റ്റോപ്പുകള്‍ മാത്രം.

സ്‌പെയര്‍ അടക്കം 23 ബസുകളാണ് നിരത്തിലിറങ്ങാന്‍ തയാറായിരിക്കുന്നത്. ട്രെയിന്‍ യാത്രക്കാരെ ആകര്‍ഷിക്കാനും വരുമാന വര്‍ധന ലക്ഷ്യമിട്ടുമാണ് മിന്നല്‍ സര്‍വിസ് ആരംഭിക്കുന്നതെന്ന് കെ.എസ.്ആര്‍.ടി.സി എംഡി രാജമാണിക്യം പറഞ്ഞു.