തൃശൂര്‍: ദേശീയ കായിക മേളയിലേക്കുള്ള ബോള്‍ ബാഡ്മിന്റണ്‍ ഗേള്‍സ് അണ്ടര്‍ 17, 19 ടീമിനെ തിരഞ്ഞെടുത്തു. ജില്ലയില്‍ നടക്കുന്ന സംസ്ഥാന കായിക മേളയില്‍ മികച്ച പ്രകടനം കാഴ്ചവെച്ച വിദ്യാര്‍ഥിനികളില്‍ നിന്നാണ് ദേശീയ കായിക മേളയിലേക്കുള്ള കായിക താരങ്ങള്‍ തിരഞ്ഞെടുക്കപ്പെട്ടത്.പത്തു പേരടങ്ങുന്ന ടീമില്‍ തൃശൂരില്‍ നിന്ന് നാലും എറണാകുളം,പാലക്കാട് ജില്ലകളില്‍ നിന്നും രണ്ടും,മലപ്പുറം, തിരുവനന്തപുരം ജില്ലകളില്‍ നിന്നും ഒന്നും വിദ്യാര്‍ഥിനികളാണുള്ളത്. തൃശൂര്‍ മറ്റം സെന്റ് ഫ്രാന്‍സിസ് ഹൈസ്‌കൂളിലെ വോള്‍ഗ ഡേവിസ്, ജാസ്മിന്‍ പോള്‍.സി, മാള സോകോഴ്‌സോ സ്‌കൂളിലെ ജോഷ്ണ ജോണ്‍.വി,അഭിത പി.വി,മലപ്പുറം എടവണ്ണ ഹയര്‍ സെക്കന്‍ഡറി സ്‌കൂളിലെ മിസ്‌ന.കെ, എറണാകുളം മൂത്തകുന്നം എസ്.എന്‍.എം ഹയര്‍ സെക്കന്‍ഡറി സ്‌കൂളിലെ ഭിയട്രീസ് എം.ഇ, കൊട്ടുവള്ളിക്കാട് എച്ച്.എം.വൈ.എസ് ഹയര്‍ സെക്കന്‍ഡറി സ്‌കൂളിലെ ലക്ഷ്മി പി.എസ്, പാലക്കാട് വണ്ടാഴി സി.വി.എം ഹൈസ്‌കൂളിലെ കൃഷ്ണപ്രിയ.കെ, ഫര്‍സാന കെ.ആര്‍, തിരുവനന്തപുരം നെടുമങ്ങാട് ഗേള്‍സ് ജി.എച്ച്.എസ്.എസിലെ ആതിര സന്തോഷ് എന്നി വിദ്യാര്‍ഥിനികളാണ് ദേശീയ കായിക മത്സരത്തില്‍ പങ്കെടുക്കാനുള്ള യോഗ്യത നേടിയത്. മുന്‍ ദേശീയ കായിക താരങ്ങളും സ്‌പോര്‍ട്‌സ് കൗണ്‍സില്‍ അംഗങ്ങളുമായ വൈ.പ്രദീപ്, വിമല്‍ ചന്ദ്രന്‍ ആര്‍, ഒ. ഉണ്ണികൃഷ്ണന്‍ എന്നിവരാണ് ടീമിനെ തിരഞ്ഞെടുത്തത്.