പേരാമ്പ്ര: കോഴിക്കോട് റവന്യു ജില്ലാ അറബി അധ്യാപക സംഗമവും സാഹിത്യ മത്സരവും നാളെ പേരാമ്പ്ര ദാറുന്നുജൂം ആര്‍ട്‌സ് ആന്‍ഡ് സയന്‍സ് കോളജില്‍ നടക്കും.
പൊതുവിദ്യാഭ്യാസ വകുപ്പ് പ്രതിഭാശാലികളായ അധ്യാപകരെ കണ്ടെത്തുന്നതിനായി സംഘടിപ്പിക്കുന്ന പരിപാടിയില്‍ ജില്ലയിലെ 17 ഉപജില്ലകളില്‍ നിന്നായി 16 വ്യക്തിഗത ഇനങ്ങളില്‍ ഇരുന്നൂറോളം അധ്യാപകര്‍ പങ്കെടുക്കും. പേരാമ്പ്ര പഞ്ചായത്ത് പ്രസിഡന്റ് കെ.എം റീന അധ്യക്ഷയാകുന്ന ചടങ്ങില്‍ പ്രശസ്ത സാഹിത്യകാരന്‍ യു.കെ കുമാരന്‍ ഉദ്ഘാടനം നിര്‍വഹിക്കും.
അധ്യാപക സംഗമത്തിനും സാഹിത്യ മത്സരത്തിനും ശേഷം നടക്കുന്ന സമാപനസേമ്മളനത്തില്‍ ഐ.എം.ജി കെ. സുലേഖ സമ്മാന വിതരണവും നടത്തുമെന്ന് ഭാരവാഹികളായ ടി. നിസാര്‍, ആര്‍.കെ മുനീര്‍, എം.ടി മുനീര്‍, ടി.കെ മുഹമ്മദലി, വി.ടി അബ്ദുല്‍ ബാരി, കെ.കെ മുഹമ്മദലി എന്നിവര്‍ വാര്‍ത്താസമ്മേളനത്തില്‍ അറിയിച്ചു.