തിരുവനന്തപുരം: യു.എ.പി.എ ഇരുതല മൂര്‍ച്ചയുള്ള ആയുധമാണെന്ന് മന്ത്രി എ.കെ ബാലന്‍. കേസില്‍ പൊലിസ് എഫ്.ഐ.ആര്‍ ഇടുമ്പോള്‍ തന്നെ നല്ല ശ്രദ്ധ വേണമെന്നും അദ്ദേഹം ചൂണ്ടിക്കാട്ടി. പൊലിസിന് എന്തെങ്കിലും വീഴ്ച പറ്റിയിട്ടുണ്ടോ എന്ന് അന്വേഷിക്കുമെന്ന് അദ്ദേഹം ആവര്‍ത്തിച്ചു. തുടര്‍നടപടികള്‍ അന്വേഷണം പൂര്‍ത്തിയാക്കിയ ശേഷമായിരിക്കും അന്തിമ തീരുമാനമെന്നും അദ്ദേഹം കൂട്ടിച്ചേര്‍ത്തു.

മാവോയിസ്റ്റ് ബന്ധം ആരോപിച്ച് വിദ്യാര്‍ത്ഥികള്‍ക്കു മേല്‍ യു.എ.പി.എ ചുമത്തിയ നടപടിക്കെതിരെ വ്യാപക പ്രതിഷേധം ഉയര്‍ന്നിരുന്നു. പാര്‍ട്ടിക്കകത്തു നിന്നു തന്നെ ശക്തമായ എതിര്‍പ്പുണ്ടായിരുന്നു. തുടര്‍ന്ന് നടപടി പുനഃപരിശോധിക്കാന്‍ സര്‍ക്കാര്‍ പൊലിസിന് നിര്‍ദേശം നല്‍കിട്ടുണ്ട്.