കോഴിക്കോട്: സി.കെ ഗോവിന്ദന്‍ നായരും എ.സി ഷണ്‍മുഖദാസും ആദര്‍ശാധിഷ്ഠിത രാഷ്ട്രീയത്തിന്റെ വക്താക്കളായിരുന്നുവെന്ന് മുന്‍ മുഖ്യമന്ത്രി ഉമ്മന്‍ ചാണ്ടി.
എ.സി ഷണ്‍മുഖദാസ് പഠന കേന്ദ്രവും എന്‍.സി.പി ജില്ലാ കമ്മിറ്റിയും സംഘടിപ്പിച്ച സി.കെ.ജി-എ.സി ഷണ്‍മുഖദാസ് അനുസ്മരണ ചടങ്ങില്‍ ഷണ്‍മുഖദാസ് സ്മാരക പുരസ്‌കാര വിതരണം നിര്‍വഹിച്ചു സംസാരിക്കുകയായിരുന്നു അദ്ദേഹം. വിവിധ വര്‍ഷങ്ങളില്‍ കോണ്‍ഗ്രസിലുണ്ടായ പിളര്‍പ്പുകള്‍ വേദനാജനകമാണെന്നും അദ്ദേഹം പറഞ്ഞു.
 കോഴിക്കോട് ടൗണ്‍ഹാളില്‍ സംഘടിപ്പിച്ച ചടങ്ങില്‍ മാതൃകാ പൊതുപ്രവര്‍ത്തകനുള്ള ഷണ്‍മുഖദാസ് പുരസ്‌കാരം എന്‍.സി.പി ദേശീയ ജനറല്‍ സെക്രട്ടറി ടി.പി പീതാംബരന്‍ മാസ്റ്റര്‍ക്ക് ഉമ്മന്‍ ചാണ്ടി സമ്മാനിച്ചു.
എ.സി ഷണ്‍മുഖദാസ് പഠനകേന്ദ്രം ചെയര്‍മാന്‍ എ.കെ ശശീന്ദ്രന്‍ എം.എല്‍.എ അധ്യക്ഷനായി. മുക്കം മുഹമ്മദ്, ഡോ. പാറുക്കുട്ടി ഷണ്‍മുഖദാസ്, എം. ആലിക്കോയ, ടി.എന്‍ ശിവശങ്കരന്‍ പങ്കെടുത്തു.