ചേര്‍ത്തല: പകര്‍ച്ചപ്പനി പ്രതിരോധ പ്രവര്‍ത്തനങ്ങളുടെ ഭാഗമായി സി.പി.എം ഏരിയ കമ്മിറ്റി നേതൃത്വത്തില്‍ ചേര്‍ത്തല താലൂക്ക് ആശുപത്രി ശുചീകരിച്ചു.
മണ്ണുമാന്തിയന്ത്രവും പുല്ലുവെട്ടിയന്ത്രവും ഉള്‍പ്പെടെ ഉപയോഗിച്ചായിരുന്നു ശുചീകരണം. ആശുപത്രിയുടെ മുന്‍ഭാഗവും മോര്‍ച്ചറിക്ക് സമീപവും പഴയ അത്യാഹിത വിഭാഗത്തിന് തെക്കുവശവും ഉള്‍പ്പെടെ വൃത്തിയാക്കി. ജില്ലാ കമ്മിറ്റിയംഗം എന്‍ ആര്‍ ബാബുരാജ് ഉദ്ഘാടനം ചെയ്തു.
ഏരിയ സെക്രട്ടറി കെ രാജപ്പന്‍ നായര്‍, ജില്ലാ കമ്മിറ്റിയംഗം എ എസ് സാബു, ആശുപത്രി സൂപ്രണ്ട് ഡോ. അനില്‍ വിന്‍സെന്റ് എന്നിവര്‍ സംസാരിച്ചു. സി.ഐ.ടി.യു ഏരിയ സെക്രട്ടറി പി ഷാജിമോഹന്‍, ജില്ലാ പഞ്ചായത്തംഗം പി എം പ്രമോദ്, ചുമട്ടുതൊഴിലാളി യൂണിയന്‍ ഏരിയ പ്രസിഡന്റ് കെ ഡി പ്രസന്നന്‍, സെക്രട്ടറി കെ അജയന്‍, ഡി.വൈ.എഫ്.ഐ ബ്ലോക്ക് പ്രസിഡന്റ് പി എസ് പുഷ്പരാജ് എന്നിവര്‍ നേതൃത്വം നല്‍കി.