ഹരിപ്പാട്: ഏഴാം ക്ലാസ് വിദ്യാര്‍ഥിനിയെ പീഡിപ്പിക്കാന്‍ ശ്രമിച്ച കേസില്‍ യുവാവ് അറസ്റ്റില്‍. മുതുകുളം തെക്ക് കാട്ടില്‍ പടീറ്റതില്‍ ശരത്ത്( 23)നെയാണ് കനകക്കുന്ന് പൊലിസ് പിടികൂടിയത്.
16ന് വൈകിട്ട് നാലരയോടെയാണ് സംഭവം. സ്‌കൂള്‍വിട്ട് വീട്ടിലെത്തിയ പെണ്‍കുട്ടി വീടിനു പുറത്തുള്ള ശുചിമുറിയില്‍ കുളിച്ചശേഷം മുറിയിലേക്ക് എത്തിയപ്പോള്‍ ഇവിടെ ഒളിച്ചിരുന്ന പ്രതി കടന്നു പിടിക്കുകയായിരുന്നു. പെണ്‍കുട്ടി ബഹളം വക്കാതിരിക്കാന്‍ ഇയാള്‍ കൈകൊണ്ടു വായ് പൊത്തിപിടിച്ചിരുന്നു.
രക്ഷപെടാനായി കുട്ടി കൈയില്‍ കടിച്ചു. തുടര്‍ന്ന് പിടിവിട്ടപ്പോള്‍ പുറത്തേക്ക് ഓടി രക്ഷപെടുകയായിരുന്നു. ഈ സമയം വീട്ടില്‍ ആരും തന്നെ ഉണ്ടായിരുന്നില്ല. പിന്നീട് ട്യൂഷന്‍ ടീച്ചറോട് കുട്ടി വിവരങ്ങള്‍ പറഞ്ഞതോടെയാണ് സംഭവം വീട്ടുകാര്‍ അറിഞ്ഞത്.
തുടര്‍ന്ന് പിങ്ക് പൊലിസിനെ വിവരം അറിയിക്കുകയും കേസെടുക്കുകയുമായിരുന്നു. ഇന്നലെ രാവിലെ ആറരയോടെ കനകക്കുന്ന് നിന്നുമാണ് പ്രതിയെ പൊലിസ് പിടികൂടിയത്.