തിരുവനന്തപുരം: ആറ്റിങ്ങലില്‍ കാറും ലോറിയും കൂട്ടിയിടിച്ച് നാലുപേര്‍ മരിച്ചു. ആലംകോട് കൊച്ചുവിളമൂട്ടിലാണ് കാറും ലോറിയും കൂട്ടിയിടിച്ച് നാലുപേര്‍ തല്‍ക്ഷണം മരിച്ചത്. നെയ്യാര്‍ ഡാം ആശ്രമത്തില്‍ പൂജകഴിഞ്ഞ് കാറില്‍ മടങ്ങുകയായിരുന്ന കായംകുളം പമ്പ ആശ്രമത്തിലെ സ്വാമി ഹരിഹര ചൈതന്യ, രാജന്‍ബാബു, അനുരാഗ് എന്നിവരാണ് ഉച്ചയ്ക്ക് രണ്ടരയോടെ ഉണ്ടായ അപകടത്തില്‍ മരിച്ചതെന്നാണ് വിവരം. ഒരാളെ തിരിച്ചറിഞ്ഞിട്ടില്ല. കായംകുളം ഭാഗത്തേക്ക് പോവുകയായിരുന്ന കാര്‍ എതിരെ വന്ന ലോറിയുമായി കൂട്ടിയിടിച്ചാണ് അപകടം ഉണ്ടായത്. മൃതദേഹങ്ങള്‍ ചിറയില്‍കീഴ് സര്‍ക്കാര്‍ ആശുപത്രിയിലക്ക് മാറ്റി.