തിരുവനന്തപുരം: നിയമസഭയില്‍ പ്രത്യേക ബ്ലോക്കായിരിക്കുകയും തദ്ദേശസ്ഥാപനങ്ങളില്‍ യു.ഡി.എഫുമായി സഹകരണം തുടരുകയും ചെയ്യുമെന്ന കെ.എം മാണിയുടെ നിലപാട് അപഹാസ്യമാണെന്ന് യുഡിഎഫ് കണ്‍വീനര്‍ പിപി തങ്കച്ചന്‍ പറഞ്ഞു. യുഡിഎഫിന്റെ കീഴില്‍നിന്ന് തങ്ങള്‍ക്ക് കിട്ടിയ സീറ്റുകള്‍ രാജിവച്ച് തെരഞ്ഞെടുപ്പിനെ നേരിടുക എന്നതാണ് മാണി പറയുന്ന ധാര്‍മികതയ്ക്ക് ചേര്‍ന്നതെന്നും അദ്ദേഹം പറഞ്ഞു.

ജനാധിപത്യ വിശ്വാസികളെ കേരളാ കോണ്‍ഗ്രസ് അപമാനിച്ചെന്ന് പ്രതിപക്ഷനേതാവ് രമേശ് ചെന്നിത്തല പറഞ്ഞു. പ്രശ്‌നങ്ങള്‍ ഉണ്ടെങ്കില്‍ മുന്നണിയിലോ നേതൃത്വത്തേയോ അത് അറിയിക്കണമായിരുന്നെന്നും ചെന്നിത്തല പറഞ്ഞു.