ശ്രീകണ്ഠപുരം: 13 വയസുകാരനെ പ്രകൃതി വിരുദ്ധ പീഡനത്തിരയാക്കിയ സെക്യൂരിറ്റി ജീവനക്കാരന്‍ അറസ്റ്റില്‍. തളിപ്പറമ്പിലെ സ്വകാര്യ ബില്‍ഡിങില്‍ സെക്യൂരിറ്റി ജീവനക്കാരനും പയ്യാവൂര്‍ സ്വദേശിയുമായ പയ്യാര്‍ കുഞ്ഞിരാമനെ(40)യാണ് സി.ഐ വി.വി ലതീഷ് അറസ്റ്റ് ചെയ്തത്. കുട്ടിയെ മിഠായിയും പണവും നല്‍കി പ്രലോഭിപ്പിച്ച് ആളൊഴിഞ്ഞ സ്ഥലത്ത് കൂട്ടി കൊണ്ടുപോയി പീഡിപ്പിച്ചെന്നാണ് പരാതി. ഒരാഴ്ച മുമ്പ് സ്‌കൂളില്‍ നടത്തിയ ചൈല്‍ഡ്‌ലൈന്‍ ബോധവല്‍കരണ ക്ലാസിലാണ് കുട്ടി പീഡന വിവരം വെളിപ്പെടുത്തിയത്. പ്രതി ബംഗളൂരുവിലേക്ക് രക്ഷപ്പെടാന്‍ ശ്രമിക്കുന്നതിനിടെയാണ് ഇന്നലെ രാവിലെ ശ്രീകണ്ഠപുരത്ത് അറസ്റ്റിലായത്. പ്രതിയെ കോടതി റിമാന്‍ഡ് ചെയ്തു.